Бүген 1 нче сыйныф укучылары арасында "Кем миллионер булырга тели?" диеп исемләнгән уен оештырылды. Алар әдәбият буенча белемнәрен күрсәттеләр. 11 бишле алып, Гизатуллина Ясминә "миллионер" булды. Котлыйбыз аны. Афәрин!

Татар теле атналыгы кысаларында бүген 7 нче һәм 8 нче сыйныф укучылары арасында "Нәрсә?Кайда?Кайчан?" дигән интеллектуаль бәйге оештырылды. 32 балл туплап "Җитезләр" командасы беренчелекне яулады. "Йолдызлар" командасы да азга гына калышты. Алар 31 балл туплады. Афәрин!

Бүгенге өмәдә  укучылар мәктәп яны мәйданын гына түгел,  авыл эчен дә чүп-чардан арындыруда катнаштылар.

Безнең укучыларыбыз гына түгел, укытучыларыбыз да төрле конкурсларда актив катнаша. «Радуга талантов-2016» конкурсында катнашып,  вокал-соло номинациясендә 2 урын яулаганы  Айгөл Рашит кызын җиңүе белән котлыйбыз. Афәрин!

Әйе, сөекле Тукаебызны беркайчан да истән чыгармыйбыз. Аны яратабыз, зурлыйбыз. Шигырьләрен, әкиятләрен укып яшәргә өйрәнәбез. Менә бүген дә без  залга сөекле шагыйребезнең туган көнен билгеләп үтәргә дип җыелдык. Бүген бездә шигырь бәйрәме үтте. Кичәбез татар халкының гимнына әверелгән "Туган тел" җырын күмәкләп башкару белән тәмамланды.

Бүген 9 нчы сыйныф укучылары Норлат мәктәбендә татар теленнән бердәм республика тесты үттеләр. Нәтиҗәләрен көтәсе генә калды. Укучыларга алдагы имтиханнарында уңышлар теләп калабыз.

Бүген мәктәбебездә Габдулла Тукайның иҗатын чагылдырган рәсемнәр күргәзмәсе ачылды. Анда укучыларыбызның иң яхшы дип табылган эшләре урын алды.

Бүген Урысбага мәктәбендә мәдәният йорты белән берлектә бөек шагыребез Габдулла Тукайның 130 - еллыгына багышланган "Тукайга һәм Бәчек авылында яшәгән туганнарына багышлана..." диеп исемләнгән кичә уздырылды. Әлеге чарада безнең башлангыч сыйныф укучылары да үзләренең сыйныф җитәкчеләре белән катнаштылар.

Бүгенге өмәдә мәктәп укучылары һәйкәл янын чистартты.

Шимбә, чәршәмбе өмәләре дәвам итә. Бүген көне дә нәкъ өмә өчен диярсең. Иртән үк кояш кыздыра башлады, шуңа күрә эшләве дә күңелле булды.