Ата-аналар белән оештырылган дәрес, тренинглар да файдалы булды. Психологлар әти-әниләрне балаларына карата дөрес мөнәсәбәттә булу кирәклекне искәртте. 

Немец теле укытучысы Шайхуллина Алсу Фатыйховна 7-9 класс укучылары өчен Батырлык дәресе уздырды. Әлеге дәрес Германия концлагерьлары корбаннарын искә алу көне уңаеннан оештырылды. Укучылар әлеге чарадан үзләре өчен Бөек Ватан сугышы тематикасының яңа сәхифәләрен ача алды, тоткыннарның аяныч, куркыныч язмышлары белән танышып, үзләренә күп кенә гыйбрәтле сабак ала алды.

Бүген, математика атналыгы кысаларында 5-7 класс укучылары арасында Иң тапкыр укучыны билгеләделәр. Шактый авыр гына сынаулардан соң 1 урынны һәм "Иң тапкыр укучы" исемен Шәйхиев Алмаз алды (5 класс), 2 урын - Сайфудинов Умар (7 класс), 3 урын- Гафиятуллин Илназ (6 класс). Афәрин егетләр! 

12 апрель - Космонавтика һәм авиация көне. Шул уңайдан бүген мәктәптә кичә узды. 7  класс укучылары календарьдагы әлеге зур датаның тарихы белән таныштырдылар. Аннан катнашучыларга видеофильм күрсәтелде. Кичә ахырында укучылар викторина сорауларына дөрес җавап биреп бүләкләр дә ота алды.

Математика атналыгы кысаларында фән укытучысы Замалиева Асия Габбазовна 8-9 класс укучылары арасында "Иң көчсез звено" уены уздырды. Җиңүче итеп 9 класс укучысы Вәкилова Илүзә танылды. Котлыйбыз!

Язгы чисталык икеайлыгы башланды. Быел язның соңрак килүе сәбәпле, авыл һәм мәктәп территориясе әле кардан ачылмаган. Шуңа да  шимбә өмәсендә мәктәп хезмәткәрләре мәктәп бинасы тирәсендә кар таратты.

7 апрель - Сәламәтлек көне. Шул уңайдан мәктәп укучылары бүген волейбол ярышында катнашты.

Бүген мәктәп укучылары Россиядә Волонтерлар елы буенча 1 кварталда башкарылган эшләргә имтихан тоттылар. Һәр класс командасы үзләренең изге, мәрхәмәтле гамәлләре турында тәфсилләп сөйләде, фотолар белән эш папкаларын тәкъдим иттеләр.

  30 март көнне Яшел Үзән районының Карауҗа мәктәбе базасында "Мин авылны сайлыйм" дип исемләнгән 8 нче республика фәнни-гамәли конференциясе узды. Безнең укучыларыбыз да әлеге бәйгедә уңышлы чыгыш ясап кайттылар.

9 класс укучысы Абзалина Гөлия - 1 урын (җитәкчесе: Шакиров Р.Ф.);

8 класс укучысы Гыйниятуллина Илзирә - 2 урын (җитәкчесе: Гафиятуллина Ә.Г.);

7 класс укучысы Сайфудинов Умар - 3 урын (җитәкчесе: Гатауллин Л.И.). КОТЛЫЙБЫЗ!

Шимбә көнне Ачасыр авыл җирлеге башлыгы Гатиятуллин М.Г. авыл күләмендәге чара, бәйгеләрдә актив катнашкан мәктәп укучыларын, укытучыларын, хезмәткәрләрен диплом һәм истәлекле бүләкләр белән бүләкләде. Мәктәп коллективы авыл башлыгына зур рәхмәтләрен җиткереп кала.