26 апрель көнне авыл китапханәсендә “Тукай-безнең күңеллеәрдә” дип аталган уен-викторина зерләнгән иде.Укучылар зур кызыксыну белән сорауларга җавап бирделәр, шигырьләр сөйләделәр, әкиятләрдән өзекләр күрсэттеләр. Ахырда традиция буенча гимнга әверелгән  “Туган тел” җырын хор белән бөтен мәктәп җырлады.

25 апрель көнне Казан шәhәрендә “Илhам” Бөтенроссия яшь язучылар бәйгесе булып узды. Рәсәйкүләм  уздырыла  торган  “Илһам”  конкурсы  яшь  шагыйрьләрне, язучыларны,  драматургларны  берләштерә торган  бәйге. Мондый  конкурсларны  уздыру беренчедән, халкыбызны  берләштерсә,  икенчедән, сәләтле  балаларга  юл  ача. Бу  бәхетне  безгә  дә, Ачасыр  мәктәбенә  дә , татырга  туры  килде. Ике  тапкыр  талпынып, өченче  талпынуда  зона  этабына  узарга  мөмкинлек  туды. Шиһабетдинова  Ләйлә  “Үз  әнием”  драмасы  белән  жюри  комиссиясе  алдында  имтихан  тотты. Дөрестән  дә, имтихан  булды  бу. Китаплар  уку, музейларга йөрү, театрларда  булу – болар  барысы  да  Ләйләгә үз  фикерен  дәлилләр  ярдәмендә  җиткерергә  ярдәм  итте. Афәрин, Ләйлә! Котлыйбыз! Киләчәктә дә  уңышлар  телибез!

   12 апрель көнне  Ачасыр мәктәбендә укучылар өчен “Космос ул-без!” дигән гомуми класс сәгате үткәрелде. Укучыларга презентация күрсәтелде, күрунекле космонавтлар буенча чыгышлар ясалды. Балалар космонавтика турында файдалы мәгълүматлар алдылар.

Казанда узачак эшче профессияләр чемпионаты уңаеннан башлангыч класс укучылары рәсемдә булса да прическа ясадылар. Әйе, яшь парикмахерлар өйрәнүне нәкъ шулай башлыйлар!

Бүгенге гомуми класс сәгате "WorldSkills Kazan 2019 дәресе" дип исемләнде. Дәрес август аенда Казан шәһәрендә узачак эшче профессияләр чемпионатын каршы алу уңаеннан оештырылды. Класс сәгатен 8-9 класс җитәкчеләре Шайхаттарова Э.Ш., Гафиятуллина Ә.Г. укучыларга кызыклы һәм файдалы итеп уздырдылар.

"WorldSkills Kazan 2019 дәресе" башлангыч класс укучылары белән дә күңелле оештырылды. Алар эшче профессияләр турында гына сөйләшеп калмыйча, дәресне төрле кызыклы уеннар белән дә, табышмакларга җавап бирү белән дә дәресне үтемле иттеләр. Укучылар Чемпионатның Гимнын да тыңладылар!

Бүген мәктәбебездә "Мин авылның гади бер мөгаллиме" дип исемләнгән II Ачасыр мәктәбе укучыларының Ш.Таһири исемендәге конференциясе узды. Укучылар авылда яшәүче ветеран укытучыларның мөгаллимлек, остазлык еллары турында чыгышлар ясады. Хөрмәтле укытучыларыбыз үзләре дә әлеге чарада катнашты. Конференция ахырында кунакларыбызга чәчәкләр тапшырылды.

Хөрмәтле хатын-кыз укытучыларыбыз!

Менә килеп җитте тагын
Кояшлы ямьле язлар.
Бәйрәм тантанасын тоеп,
Шатлана хатын-кызлар.
Сигезенче март көнне
Хатын-кызлар бәйрәме.
Кызларга бүләк итәбез
Гөлчәчәкләр бәйләмен.
Хөрмәтле укытучылар!
Бәйрәм белән котлыйбыз.
Сезгә бәхет, сәламәтлек,
Озын гомер телибез.
Сезгә вәгъдә бирәбез
Гел тырышып укырга.
Тәртипле, тыныч, уңган
Һәм ярдәмчел булырга

Иң изге теләкләр белән укучыларыгыз!

Бүген беренче класс укучылары өчен Әлифба бәйрәме узды. Укытучылары Замалиева Ф.Г. 2 генә бөртек укучы булса да, кызыклы итеп оештырган иде чараны. Бәйрәмдә катнашкан укытучылар да, әти-әниләр дә беренчеләргә үзләренең матур теләкләрен җиткерделәр.

Атналык кысаларында биология укытучысы Мухаметзянова Р.Р. 8-9 класс укучылары өчен "Кеше скелеты" буенча уен-ярыш оештырды. Сораулар бик җиңелләрдән булмаса да укучылар бар көчләрен куеп ярышты. Биология фәненнән имтиханнарга әзерлекне дә күпмедер дәрәҗәдә күрсәтте бу чара.