24 март Бөтендөнья туберкулезга каршы көрәш көне. Шул уңайдан мәктәптә әлеге авыруны профилактикалау максатыннан гомуми класс сәгате узды. Укучылар белән әңгәмә корылды, видеоролик каралды.

Бүген күренекле мәгърифәтче, педагог, беренче профессиональ татар рәссамы, рәсемле әлифба ясаучы Шакирҗан Таһириның тууына 160 ел тулган көне. Ш.Таһири Олы Ачасыр авылында туып, авыл мәдрәсәсендә белем алып Казан шәһәренә китеп зур педагогик эшчәнлек алып барган шәхес.

Беренче класста Әлифба бәйрәме узды. Укытучы Шигабутдинова Г.Ф.

Хәрби-спорт айлыгы кысаларында укучыларның яратып көтеп алган "Аҗаган" уены узды. 5 командага бүленеп укучылар үзләрен һәрьяклап сынадылар. 1 урын- 9,1 класс командасы, 2 урын - 8 һәм 4,5 класс командалары, 3 урын - 6,2 һәм 7,3 класс командалары алды. Афәрин, укучылар!

Ватанны саклаучылар көне уңаеннан мәктәп егетләре арасында "Ягез әле, егетләр!" дип исемләнгән спорт ярышы узды. Ярышны карарга укучыларның әтиләре һәм әниләре дә килгән иде. Чара алдыннан укучылар әтиләрен бәйрәм белән котлап чыгышлар ясадылар. Спорт ярышында "Бөркетләр" командасы җиңү яулады. Гомумән алганда мәктәбебезнең барлык егетләре дә үзләренең җитезлекләрен, тизлекләрен һәм көчләрен күрсәтә алды. Афәрин!

Традицион  рәвештә мәктәптә Әтиләр конференциясе булып узды. Әтиләр катнашында узган җыенда сүз мәктәптә укыту-тәрбия эшенең куелыш турында барды. Соңыннан укучылар әтиләрен матур чыгышлары белән сөендерделәр. Шулай ук әти-әниләр егетләрнең күңелле спорт ярышын да күзәтә алдылар.

Бүген Батырлык дәресе узды. Гомуми ачык класс сәгатендә ветеран укытучы Шәйхуллина Алсу Фатыйховна укучыларга Зоя Космодемьянскаяның Бөек Ватан сугышында күрсәткән батырлыгы турында сөйләде. Шулай ук Алсу апа үзенең сугыш кырында ятып калган әтисе турындагы истәлекләре дә укучыларга гыйбрәтле иде. Ветеран укытучыбыз әтисе сугышкан урыннарда булуы, ничек итеп аның каберен эзләп табуы турында сөйләде.  

  Бүген мәктәп укучылары ату буенча ярышта катнашты. Беренче урынны - 6 класс, 2 урынны- 5 класс, 3 урынны- 9 класс укучылары алды. Ярышны ТИН укытучысы Гатауллин Л.И. уздырды.

Бүген мәктәптә мәдәният йорты җитәкчесе, ФАП хезмәткәрләре катнашында 5-9 класс укучылары өчен "Тәмәке һәм сыраның зарары" турында әңгәмә уздырылды.