Бакчабызда шагыйрь Г.Тукайның иҗатына багышланган иҗади бәйге узды. Бәйгедә ата-аналар балалар белән берлектә шагыйрьнең әсәрләре буенча төрле иҗат эшләре ясадылар. Соңыннан әлеге эшләр белән күргәзмә оештырылды. Һәр катнашкан бала дипломнар белән бүләкләнде.

Халык бәйрәмнәре  – шул халыкны милләт итеп берләштерә  торган чараларның  берсе.  Һәр милләтнең үзенә  генә  хас бәйрәмнәре бар. Алар халыкның  милли горурлык, милли хисләр культурасын тәрбияләргә  ярдәм итә. “Анар көне” (Гранат бәйрәме) - 2006 елдан башлап ел саен Әзербәйҗанда гранат җыю көннәрендә билгеләп үтелә торган бәйрәм. Бәйрәм көннәрендә Әзербайҗанның гранатчылык үзәге саналган Гейчай шәһәрендә күргәзмәләр үткәрелә, анда бакчачылар гранат, гранат соклары, кайнатмалар һ. б. төрле сортларны күрсәтә. Бүген зурлар төркемнәрендә әлеге бәйрәмгә багышланган танып-белү кичәсе узды. Безнең бакчада Әзербәйҗан милләтеннән балалар йөри, алар әлеге кичәдә бигрәк тә теләп катнашты. Кичәне оештыруда әлеге балаларның әти-әниләре югары активлык күрсәттеләр. Мондый кичәләр оештыру балаларда башка милләт вәкилләренә карата ихтирам тәрбияли һәм халык бәйрәмнәре турында кузаллауларын үстерүдә ярдәм итә.

Борынгы ата-бабаларыбыз елгалардагы бозлар белән бергә авырулар, бәла-казалар да агып китә дип ышанганнар. Татарлар яшәгән авылларда елга-инешләрдә боз кузгалган көн үзенә бер төрле  бәйрәмгә әйләнә торган булган.Табигатьнең язгы яңарышы яңа өметләр, яңа уңышлар вәгъдә иткән, һәм халык, бу көнне көтеп алып, боз шытырдавын ишетү белән елга буенда җыелган, җырлап-биеп, милли уеннар уйнап боз озаткан, язны каршылаган. Шул рәвешле елгага булган хөрмәт күрсәтелгән. Безнең бакчада да “Боз озату” кичәсе узды. Кичәнең максаты: балаларны татар халкының яз көне уздырыла торган йола бәйрәмнәренең берсе – “Боз озату” йоласы белән таныштыру.

       Җылы кояш нурларын көннән–көн  җылырак чәчеп, зәп-зәңгәр күк йөзе белән күңелләребезне күтәреп  яз килде.  Март ае – яз башы, бу ай озак заманнар   Яңа елның беренче ае булып  саналган. Көннең төнне куып җиткән вакытында, Кыш бабайның чәчләре су булып акканда, безнең бабаларыбыз, әбиләребез язны – Нәүрүзбикәне каршы алганнар. Бу көнне үзләренең матур теләкләрен  Нәүрүзбикәгә әйтеп калдырырга тырышканнар.

      Нәүрүз бәйрәме – язны каршылап, язгы чәчү эшләре алдыннан үткәрелә торган халык бәйрәме ул. Безнең балалар да әлеге бәйрәмне билгеләп уздылыар. Нәүрүзбикә белән күңел ачтылар, теләкләрен әйттеләр. Киләсе еллар уңышлы булсын.

Мәктәпкә әзерлек төркемендә "Нәрсә? Кайда? Кайчан?" уены узды. Балалар уенда бик теләп катнаштылар.  Идел буе халыклары тормышы, йолалары турында күзаллауларын ныгыттылар һәм күп кенә яңа мәгълүмат алдылар.