Бүген кечкенәләр һәм уртанчылар төркемнәрендә "Сөмбелә" бәйрәмнәре узды. Балалар көзгә багышлап җырлар башкардылар, шигырьләр сөйләделәр, күңел ачтылар. Сөмбелә аларны күчтәнәчләр белән сыйлады.

Балалар бакчасында көзге эшләнмәләр бәйгесе узды, анда барлык төркемнәрнең балалары һәм ата-аналары катнашты.Күргәзмәнең максаты: ата-аналарны балалар бакчасының тәрбия һәм белем бирү процессына җәлеп итү иде. Әлеге чарадан читтә калмаган һәм актив катнашкан һәркемгә рәхмәтебезне белдерәбез! Мондый чаралар уңай хисләр уята һәм балаларга зур шатлык китерә.

Бакчада "Юл хәрәкәте иминлеге" темасына чаралар узды. Тәрбиячеләр балалар белән юл йөрү кагыйдәләре турында әңгәмәләр уздырдылар, матур әдәбият укыдылар, төрле юл мәсьәләләрен чиштеләр һәм уеннар уйнадылар.

Хөрмәтле Өлкәннәр! Сезне чын күңелебездән Халык-ара өлкәннәр көне белән котлыйбыз. Бу көнне без сезгә үзебезнең хөрмәтебезне һәм рәхмәтебезне җиткерәбез.

Өлкән буын ихтирамга лаек,
Безгә маяк тормыш юлыбызда.
Сәламәтлек, шатлык, ак бәхетләр
Телибез без бүген барыгызга.

Бала, оныкларга кирәк булып,
Кадер, хөрмәт кенә бары тоеп,
Яшәгезче әле, картаймагыз,
Яшь бара бит, диеп, уфтанмагыз.

Бу атнада төркемнәрдә ата-аналар җыелышлары узды. Педагоглар белән ата-аналар балаларны тәрбияләү сораулары буенча фикер алыштылар. Әти-әниләр еллык бурычлар белән таныштылар, шулай ук үзләрен кызыксындырган сорауларга җаваплар алдылар.

Уважаемые родители!

По вопросам устройства ребенка в детский сад Вы можете обратиться на горячую линию по номеру

224-33-80

Җәй балалар өчен иң күңелле ел фасылы: җылы кояш нурлары астында рәхәтләнеп уйныйлар, шаяралар, күңел ачалар.

Бакчабызда "Рус халык уенчыгы" дигән бәйге узды. Бәйгедә балалар әти-әниләре белән берлектә бик теләп катнаштылар: рәсемнәр, кул эшләре тәкъдим иттеләр. Һәр катнашучы дипломнар белән бүләкләнде.