Борынгы ата-бабаларыбыз елгалардагы бозлар белән бергә авырулар, бәла-казалар да агып китә дип ышанганнар. Татарлар яшәгән авылларда елга-инешләрдә боз кузгалган көн үзенә бер төрле  бәйрәмгә әйләнә торган булган.Табигатьнең язгы яңарышы яңа өметләр, яңа уңышлар вәгъдә иткән, һәм халык, бу көнне көтеп алып, боз шытырдавын ишетү белән елга буенда җыелган, җырлап-биеп, милли уеннар уйнап боз озаткан, язны каршылаган. Шул рәвешле елгага булган хөрмәт күрсәтелгән. Безнең бакчада да “Боз озату” кичәсе узды. Кичәнең максаты: балаларны татар халкының яз көне уздырыла торган йола бәйрәмнәренең берсе – “Боз озату” йоласы белән таныштыру.

       Җылы кояш нурларын көннән–көн  җылырак чәчеп, зәп-зәңгәр күк йөзе белән күңелләребезне күтәреп  яз килде.  Март ае – яз башы, бу ай озак заманнар   Яңа елның беренче ае булып  саналган. Көннең төнне куып җиткән вакытында, Кыш бабайның чәчләре су булып акканда, безнең бабаларыбыз, әбиләребез язны – Нәүрүзбикәне каршы алганнар. Бу көнне үзләренең матур теләкләрен  Нәүрүзбикәгә әйтеп калдырырга тырышканнар.

      Нәүрүз бәйрәме – язны каршылап, язгы чәчү эшләре алдыннан үткәрелә торган халык бәйрәме ул. Безнең балалар да әлеге бәйрәмне билгеләп уздылыар. Нәүрүзбикә белән күңел ачтылар, теләкләрен әйттеләр. Киләсе еллар уңышлы булсын.

Мәктәпкә әзерлек төркемендә "Нәрсә? Кайда? Кайчан?" уены узды. Балалар уенда бик теләп катнаштылар.  Идел буе халыклары тормышы, йолалары турында күзаллауларын ныгыттылар һәм күп кенә яңа мәгълүмат алдылар. 

"Май чабу" - шаян һәм күңелле итеп Кышны озату һәм табигатькә җанлану, кояш җылысы алып килүче Язны каршылау бәйрәме. Без дә балалар белән бүген күңелле җырлар җырлап, уеннар уйнап Кышны озаттык, Язны каршы алдык. 

Җылы кояш нурларына төренеп, йөгерек гөрләвекләре белән язның беренче ае - март та килеп җитте. Барыбызга да билгеле, әлеге айның иң матур бәйрәме - 8нче март - Халыкара хатын-кызлар көне. Бәйрәм уңаеннан бакчабызда балалар кичәләре узды: кадерле әниләргә, дәү әниләргә багышлап җырлар җырланды, шигырьләр сөйләнде һәм матур биюләр башкарылды. Шулай ук балалар әниләр өчен үз куллары белән бүләкләр дә әзерләделәр.