Һәрберебезнең дә, көндез йоклатмый торган, ашарга тәмлүшкәләр өләшә торган балалар бакчасы турында хыялланганы булгандыр. Безнең коллективыбыз һәм мәктәпкә әзерлек төркеме ата - аналары шул хыялны тормышка ашырды.⠀Ничек килеп чыкканлыгын бергәләп карыйк

 Утырышта бакчабыз мөдире Айгөл Абделганиевна да катнашты.⠀Биредә "Алдынгылар хәрәкәте" эшчәнлеге, остазлыкны үстерү, гаилә кыйммәтләрен ныгыту, патриотик тәрбия нечкәлекләре турында сүз алып барылды.⠀

Нормативларны уңышлы тапшырганнары өчен, алтын түштамгалар белән бүләкләнделәр алар!   Балаларны бүләкләү өчен Идел буе физик тәрбия, спорт һәм туризм университеты хезмәткәре Гөлфия Габделхәбировна килде бакчабызга.⠀

Безнең "Мәрҗән" ансамбле, "Алмагач" Сәләт мәктәбе чыгарылыш кичәсендә чыгыш ясады!⠀ ⠀

Мәктәп эшчәнлегенә зур өлеш керткән өчен, бакчабызны рәхмәт хаты белән дә бүләкләделәр.

Иң актив, сәләтле, булдыклы балалар һәм ата-аналар!  Креатив, заманча, милли җанлы гаиләләр!⠀ Быелгы чыгарылышны шулай тасвирлап була!Күпсанлы бәйгеләрдә катнашып, төрле дәрәҗәдәге проектларны тормышка ашырдык алар белән!⠀ Хәзер инде мәктәпкә озатабыз .Моңсу да, күңелле дә бәйрәм.⠀ ⠀

Кадерле балалар! ⠀Тырышып укып, яңадан-яңа үрләр яулап, әти-әниләрегезне сөендереп торыгыз. Милләтебезнең лаеклы уллары-кызлары булып үсеп житеп, тормышта үз юлыгызны ярып барыгыз. Бәхетле, тигез, ак юллар сезгә!⠀ ⠀

P.S. Балаларны котларга⠀ 27нче гимназия укучылары, "Алдынгылар" хәрәкәте активистлары да килгән иде.

Шахмат уены балаларла логик фикерләүне, игътибарлылыкны, анализ ясау күнекмәләрен үстерә. Мөстәкыйль рәвештә карар кабул итү осталыгын формалаштыра.⠀ ⠀

Түгәрәк җитәкчесе: Родченкова Валентина Александровна⠀

Балалар белән юл хәрәкәте кагыйдәләрен һәрдаим кабатлап торабыз.⠀⠀

Бу атнада инспекторлар белән дә очрашу оештырылды.Очрашуга Казан шәһәренең⠀ – госавтоинспекция җитәкчесе Савин Михаил;⠀ – пропаганда инспекторлары;⠀ – "Юл хәрәкәте иминлеге" Дәүләт бюджет учреждениесы хезмәткәре Вагизова Зөлфия килгәннәр иде.

Балалар белән юл хәрәкәте кагыйдәләрен искә төшерделәр.Тормыштан алынган мисаллар нигезендә, юлда үзеңне аеруча да сак һәм игътибарлы тотарга кирәклеген ассызыкладылар!⠀⠀ ⠀⠀

Очрашудан соң, балаларга истәлекле бүләкләр дә өләшенде.⠀⠀

Быелгы чыгарылыш балалары белән чәчәкләр утырттык.⠀⠀ Бакчабыз ишегалдын бизәп торачаклар алар хәзер.

 Алдагы юлларыгыз шул чәчәкләр шикелле матур һәм ямьле булсын, балалар!⠀⠀

Шәһәркүләмендә үткәрелгән бәйгенең иң яхшы номерларын сайлап алып, гала - концерт оештырдылар. Чыгыш ясаучылар арасында безнең "Мәрҗән" ансамбле дә бар иде! Бергәләп карыйбыз!