Бүген 9 нчы сыйныф укучылары белән профессиналь ориентация буенча тест үткәрелде. Тест 200 сораудан тора иде. Бу тестны Татарстан Республикасының мәгариф һәм фән министрлыгы белән беррәттән РЦМКО үткәрә. Тест республикада эшче профессияләрен популярлаштыру һәм укучыларның кайсы профессиягә тартылуларын, аларның кызыксынуларын ачыклау максатыннан үткәрелә.

16 марттан мәктәбебездә рус теле һәм инглиз теле атналыгы башланып китте. Атналыкта актив катнашырга чакырабыз.

Хөрмәтле кызлар, кызчыклар, апалар, Әниләр, сеңелләр!!!
Барыгызны да чын күңлдән 8 Март бәйрәме белән тәбрик итәм. Гомерегез сөенечтә, бәхеттә , мәхәббәттә үтсен. Уткэн һәрбер көнегез күңел дәфтәрегездә якты мизгелләр булып саклансын. 
Иң матур, иң чибәр, иң сөйкемле булыгыз. Бәхетле булыгыз!

     6 март көнне Суыксу авылы мәдәният йортында тыл ветераннарына медаль тапшыру тантанасы булды. Бу тантанада безнең мәктәп укучылары да катнашты. Ветераннар хөрмәтенә алар матур концерт номерлары күрсәттеләр.

Физкультура дәресләрендә укучыларыбыз чаңгы буенча ГТО нормаларын тапшырырга әзерләнә.

Традиция буенча быел да мәктәбебездә Аҗаган уеннары булып узды. Ике команда: "Кызыллар", һәм "Яшелләр" командалары ярышты. 1 балл өстенлек белән "Яшелләр" командасы җиңүгә иреште.

Мәктәбебездә "Солдатка хат " акциясе үткәрелде. Бу акция кысаларында һәр укучы Бөек Ватан сугышында катнашкан билгесез солдатка хат язды. Бу хатларында балалар аларга эчкерсез рәхмәтләрен һәм соклануларын җиткерделәр.

21 февраль - халыкара туган тел көнендә мәктәбебездә 5 нче һәм 6 нчы сыйныф укучылары белән шигырь укучылар бәйрәме булды. Барлык укучылар да шигырьләрен бик матур сөйләделәр. Бәйрәм "Туган тел" җыры белән тәмамланды.