21 февраль - халыкара туган тел көнендә мәктәбебездә 5 нче һәм 6 нчы сыйныф укучылары белән шигырь укучылар бәйрәме булды. Барлык укучылар да шигырьләрен бик матур сөйләделәр. Бәйрәм "Туган тел" җыры белән тәмамланды.

Бүген мәктәбебездә бу бәйрәмгә багышланган кичә үтте. Мәктәбебез егетләрен ярыштырдык. Алар үзләренең төрле өлкәдәге осталыкларын күрсәттеләр.

Бәйрәм уңаеннан мәктәбебезнең барлык ир-атларын котлыйбыз! Аларга корычтай нык сәламәтлек, эшләрендә һәм укуларында уңышлар телибез. 

20 февраль көнне Бөреледә "Виктория" дип исемләнгән җыр фестивале булды.Безнең укучылар анда катнашып  2 нче урын алдылар. Чын күңелдән котлыйбыз аларны. 

16 февральдән мәктәбебездә татар теле, әдәбияты һәм тарих атналыгы башланып китте. Халыкара туган тел көненә дә әзерлек бара.

7 февраль көнне бөтен мәктәп белән, "Россия чаңгы юллары"на әзерлек максатыннан, чаңгыларда сәламәтлек көне үткәрдек. Көн салкынча булуга карамастан, укучыларыбыз чаңгыда бик теләп йөрделәр. Сәламәт тәндә - сәламәт акыл! 

Яңа ел килә, яңа ел

Бәрәкәте белән килсен ул.

Һәрбер өйгә, йөрәк, күңелгә

Бәхетләре белән иңсен ул.

     Яңа елда насыйп булсын әйдә

     Яңа хисләр белән янарга.

     Яңа елда инде онытылган

     Хатирәләр кабат яңара.

Берәүгә дә гомер ике килми

Теләк телик шушы гомерне

Ике гомер итеп яшәргә.

Яңа ел бәйрәме җитәргә санаулы гына көннәр калып бара. Бәйрәмгә әзерлек эшләре тулы көченә алып барыла. Мәктәп каршындагы мәйданны кардан ясалган сыннар белән бизәдек. Класс бүлмәләре дә бик матур бизәлде. 27 декабрь  көнне бәйрәмебезгә рәхим итегез!