6 февраль көнне татар халкының бөек мәгърифәтче галиме, телче, тарихчы, этнограф, язучы Каюм Насыйриның 200 еллыгына багышланган «Каюм Насыйри мирасы» дип исемләнгән фестивальнең җиңүчеләр бүләкләү тантанасы узды. Әлеге фестиваль-конкурста  Казан шәһәре Совет районының гомуми белем бирү оешмаларының 1-11нче сыйныф укучылары, укытучылар, тәрбиячеләр,  өстәмә белем бирү педагоглары,  китапханәчеләр катнашты.
«Каюм Насыйри мирасы» фестиваль-конкурсының максты: «Татарстан Республикасы дәүләт телләре һәм Татарстан Республикасында башка телләр турында» Татарстан Республикасы Законын һәм Татарстан Рәисе Рөстәм Миңнеханов 2025нче елда күренекле татар әдибе, галим-этнограф һәм мәгърифәтче Каюм Насыйриның тууына 200 ел тулуны бәйрәм итү турындагы Указын тормышка ашыру, татар халкының бөек мәгърифәтчесе Каюм Насыйриның кыйммәтле мирасын өйрәнү һәм популярлаштыру.
Бүләкләү тантанасында журналистика һәм медиакоммуникацияләр югары мәктәбенең телевизион тапшыруларны җитештерү һәм цифрлы коммуникацияләр кафедрасы доценты, филология фәннәре кандидаты Гөсейнова Айгөл Агалар кызы,  Каюм Насыйри музее директоры Халилова Кадрия Борисовна, «Сабантуй» журналы баш мөхәррире урынбасары  Мөхетдинова Руфия Рифкат кызы катнашты.