Гимназия укытучылары үзәк чыршы ачылу тантанасына да тулы состав белән килде. Алар районыбызда булган барлык чараларда да бик актив катнашып киләләр.

Яңа ел уңаеннан гимназиядә күргәзмә оештырылды. Анда бик телән барлык сыйныф укучылары да катнашты.

Бүген профсоюз хезмәткәрләренең балалар елкасы булып үтте. Анда төрле ярышлар, лотерея уеннары, җыр-биюләр булды. Бәйрәм балаларга бик ошады.

25 нче декабрьдан Сарман гимназиясендә укучылар өчен кышкы лагерь эшли башлады. Балаларның яллары күңелле һәм файлады булсын өчен, гимназия коллективы күп көч куя.

Кышкы лагерь үзенең эшен иртәнге линейка белән башлап җибәрде. Анда укучыларга үз-үзләрен тоту кагыйдәләре аңлатылды, отрядларга исемнәр, речевкалар сайланды.

5-7 нче сыйныф укучылары өчен МЧС хезмәткәрләре бик кызыклы мәгълумат җиткерделәр. Алар куркынычсызлык кагыйдәләрен тагын бер тапкыр искә төшереп, имин яллар теләделәр.

Гимназиянең һәр укучысы бу көнне администрация тарафыннан  әзерләнгән бүләккә ия булды.  Оештыручыларгы бик зур рәхмәт!

Гимназиябездә Яңа ел бәйрәменә багышлап үткәрелгән чаралар оешкан төстә үтте. Балалар биеделәр, җырладылар, һөнәрләрен күрсәттеләр.

Яңа ел уңаеннан оештырылган чараларда уку алдынгыларын, олимпиадаларга җиңүче балаларны билгеләп үттеләр һәм киләчәктә дә зур үрләр яулауларын теләделәр.

Быел да профсоюз оешмасы Яңа ел бәйрәме уңаеннан бүләкләр әзерләгән иде. Аны олысы да, кечесе дә бик сөенеп кабул итте.