6 март көнне Халыкара хатын-кызлар көне уңаеннан, клубта Югары Симет "Ромашка" балалар бакчасы балаларының бәйрәм концерты булып узды. Бәйрәмдә балалар шигырьләр сөйләделәр, биеделәр, матур жырлар жырладылар.Шулай ук әниләр белән балалар төрле кызыклы уеннар уйнадылар. Ахырдан балалар әниләренэ, әбиләренә бүләкләрен тапшырдылар.
 Хөрмәтле әниләр, дәү әниләр, әбиләр, кызлар!
Сезне ихлас күңелдән ямьле яз бәйрәме белән котлыйбыз! Яз сулышы гаиләгезгә муллык, күңелләрегезгә сабырлык, тәннәрегезгә саулык китерсен.Ходай сезне үз рәхим-шәфкатеннән ташламасын, теләкләрегезне тормышка ашырырга ярдәм итсен, өстәлләрегез мул, аш-суларыгыз тәмле, көннәрегез ямьле булсын!

Балалар әниләренә чәчәк бәйләмнәре ясадылар. Аларның бик матур рәсемнәр килеп чыкты. Молодцы!

Гүзәл чәчәкләр җыйдым мин,

Әнием, синең өчен,

Чәчәкләрдәй һәрбер иртәң, елмаеп торсын өчен!

Тигезлекне тотарга өйрәнәбез.

Тиздән 8 март-Халыкара хатын-кызлар көне, шул уңайдан балалар әниләренә чәчәк бәйләмнәре кисеп ябыштырдылар.

Геометрик фигураларны танырга һәм әйләнә-тирәдә аларга ошаган предметларны табарга өйрәнәбез.

Музыка эшчәнлегендә балалар 8 март бәйрәменә әзерләнәләр, төрле матур җырлар, биюләр өйрәнәләр.

Физкультура эшчәнлегендә балалар канат буенча йөрделәр, обручтан обручка сикерделәр, бер-берсенә бер кул белән туп атып, аны ике кул белән тотып алырга өйрәнделәл. Шөгыль ахырында "Ут сүндерүчеләр укуларда" дип аталган хәрәкәтле уен уйнадылар.

Шөгель барышында балаларга юл йөрү кагыйдәләре, янгын чыгу куркынычлыгы турында сөйләнде. Үз үзеңне бу чараларда ничек тотарга кирәклеге аңлатылды.

"Бу - Мин" темасы. Һәр кеше төрле булганны күзәттек.

Кече яшьтәгеләр режим вакытында төрле дидактик уеннар уйнадылар.