Там, там, тамчы, там,

Тамганыңны яратам.

Тамган тамчыларга карап,

Мин җырларга яратам.

Тамчы тама, тамчы тама,

Тамчы тама түгелме?

Тамчы тамса, матур язлар

Килеп җитә түгелме?

Сөйләм үстерү эшчәнлегендә балалар яз билгеләрен санадылар, "Сыерчык ояга килгән" рәсеме буенча хикәяләр төзеделәр, "Сүзне дәвам ит", "Тәртип буенча әйт" уеннарын уйнадылар.

Җәяүлеләр чыга торган юлын өйрәнү.

Кадерле әниебезләргә букет ясадык.

Балалар иртәнге гимнастиканы бик яратып эшлиләр, чөнки гимнастика  баланың физик һәм уйлау-фикерләү сәлатен үстерә, аларга яхшы кәеф бүләк итә. Гимнастика вакытында табаннарыбызны да онытмыйбыз, аларга да массажлар ясыйбыз.

Гаилә – тормышыбызның нигезе, дәүләтнең киләчәге. Матур гаилә корып, бер – береңне хөрмәтләп, бер – береңә ярдәмләшеп яшәү- һәрберебезнең изге бурычы. Безнең бүгенге бәйрәмебез дә юкка гына “Безнең гаилә – тату гаилә” дип аталмый. Тату гаиләләрдә генә тырыш, уңган, тәүфыйклы, акыллы балалар үсә.

Бәйрәмдә балалар өйрәнгән шигерьләрен сөйләделәр, җырладылар, биеделәр. Әти-әниләр белән кызыклы уеннар уйнадылар.

Айдан, кояштан кадерле  

Син ул, әнием.

Иң ягымлы, иң сөекле   

Син ул, әнием.

Ышан, әнием, минем сүземә,

Тап төшермәм синең йөзеңә.

Саф һавада балалар төрле хәрәкәтле уеннар уйнадылар һәм малайларыбыз участокны кардан чистарттылар.

6 март көнне Халыкара хатын-кызлар көне уңаеннан, клубта Югары Симет "Ромашка" балалар бакчасы балаларының бәйрәм концерты булып узды. Бәйрәмдә балалар шигырьләр сөйләделәр, биеделәр, матур жырлар жырладылар.Шулай ук әниләр белән балалар төрле кызыклы уеннар уйнадылар. Ахырдан балалар әниләренэ, әбиләренә бүләкләрен тапшырдылар.
 Хөрмәтле әниләр, дәү әниләр, әбиләр, кызлар!
Сезне ихлас күңелдән ямьле яз бәйрәме белән котлыйбыз! Яз сулышы гаиләгезгә муллык, күңелләрегезгә сабырлык, тәннәрегезгә саулык китерсен.Ходай сезне үз рәхим-шәфкатеннән ташламасын, теләкләрегезне тормышка ашырырга ярдәм итсен, өстәлләрегез мул, аш-суларыгыз тәмле, көннәрегез ямьле булсын!