21 март көнне балалар белән әниләргә һәм укытучы апаларга "Математика иленә сәяхәт" дип аталган ачык шөгыль күрсәттек. Шөгыльдә балалар математика патшабикәсе янына сәяхәт кылдылар һәм аның әзерләп куйган биремнәрен бик тырышып башкардылар.

Тирә-юнь белән танышу эшчәнлегендә балалар су, аның билгеләре, халәте белән таныштылар. Шулай ук су белән тәҗрибәләр үткәрделәр, "Яр-су" хәрәкәтле уен уйнадылар һәм шөгыль ахырында суның портретын ясадылар.

Су белән тәҗрибәләр ясадык. Суның исе, тәме, төсе бармы икәнлеген күзәттек, өйрәндек.

Балалар “   Язгы тамчы”  җыры белән танышты, җырлаганда дөрес утыру, сулыш алу күнекмәсе формалаштыру, табигатькэ  карата хөрмәт, кызыксыну , соклану   кебек сыйфатлар тәрбияләнде..

Балалар "Иң оста ясалган сыерчык оясы" бәйгесенә матур рәсемнәрен ясап алып килделәр. Молодцы!

Кошларны кисеп ябыштыру.

Әй, кошым, кошкаем,                              

Канатлы дускаем!

Көтәбез без сине,

Килер дип, ел саен.

Оялар куябыз

Сиңа дип,һәр елны.

Кер әйдә,ояла,

Сайла үз ояңны!

Бик тиздән  ямь-яшел үләннәр үсеп чыгар, матур келәм барлыкка килер. Ә бүген без язны ашыктырып, язгы келәмне үзебез ясап карадык. Балаларның бик матур келәмнәр килеп чыкты.

Режим вакытында балалар белән дуслык турында әңгәмә үткәрелде.Әңгәмәдән соң балалар дуслыкка багышланган стена газетасы ясадылар.

Иптәшләрең әйбәт булса,

Кыскара озын юл да.

Бергә булыйк, бердәм булыйк

Дуслыкның көче шунда.

Киңәшле эш һич таркалмас,

Куллар көч бирсен кулга.

Бергә булыйк, бердәм булыйк

Дуслыкның көче шунда.