Бакчабызда "Су һәм аның үзенчәлекләре" атналыгы башланып китте.Су турында һәм аның яшәү өчен "һава" кебек үк бик мөһим чыганак икәнлегенә төшендек.Су белән хәтта "тәҗрибә" дә үткәреп карадык."Атна дәвамында өйрәнәсе яңалыкларыбыз бик күп әле"- диде безгә Апа.

Бүген дустыбыз Чулпанга 6 яшь тулды.Без аны туган көне белән котладык.Чулпан бик тәртипле кыз, гел "кояш" кебек елмаеп тора.Чәчләре дә сап- сары. Без аны бик- бик яратабыз! Туган көнең белән Чулпан!!!

Барысына да өлгерәбез.Суда йөздерергә "көймәләр" дә ясап куйдык."Гөрләвекләр" акканын гына көтәсе калды))))

" Гимнастикага! "- диюгә

"Эһ"- дигәнче киенеп

Тезелеп тә басабыз.

Апа әйтә: "Бик сәламәт

Таза, матур булырсыз! "-ди

Зарядка яратсагыз!!!

Бүген бакчабызда Әниләр бәйрәме булып узды. Бәйрәм бииииик күңелле булды. Әниләребезгә үзебезнең иң матур һөнәрләребезне күрсәттек. Әниләребезне "Салон красоты" га кунакка алып барып,матур макияжлар ясадык. "Сәяхәтче әтәч" әкиятен әниләребез бигрәк тә яраттылар. Бәйрәм һәрберебезнең күңелләрендә иң матур тойгылар гына калдырды. Безнең бакча коллективы да барлык Мәгариф өлкәсендә эшләүче тәрбияче апаларны һәм барлык Хатын-кызларны бәйрәм белән котлый. Барчагызга саулык-сәламәтлек,эшегездә иҗади уңышлар телибез!

Бакчабызда бәйрәм арты бәйрәм инде, бигрәк күңелле.Әле генә бакчабызга әтиләребез кунакка килгән иде, инде әниләр һәм Дәү әниләребезне көтәбез.Инде бүләкләребезне дә әзерли башладык, бик нык тырышырга туры килде.Үз кулың белән ясаган бүләк кенә матур була бит ул)))

Юл хәрәкәте кагыйдәләрен өйрәнү шактый көч, түземлек, вакыт сорый. Моңа балаларны бакчадан ук өйрәтә башларга кирәк.  Бу атнада бик тырышып "Юл йөрү кагыйдәләре" н өйрәндек. Шигырьләр, кагыйдәләр, уеннар өйрәндек, презентацияләр карадык. "Сакланганны саклармын!" - дигән Алла бабай дип өйрәтә безгә апа, юлда йөргәндә гел карап кына йөрегез, бик тә игътибарлы булыгыз ди.

Бүген бакчабыздагы "иң көчле", "иң түгәрәк" дустыбыз Ибраһимов Илшатның туган көне.-Миңаааа бүген "дүт" яшь дип бик нык шатланып килеп керде ул бүген бакчага.Без дә аны чын күңелдән котладык, Ак калач" "Кәрия- Зәкәрия"не җырладык.Без синең белән бик тә- бик тә дус Илшат!!!

Бүген Юлбат балалар бакчасында тәрбияче -педогогларның семинар - киңәшмәсе булды.Семинар бик матур үтте.Балалар тәрбияче Рәмзия апалары белән бик матур шөгыль һәм күңел ачу кичәсе күрсәттеләр.Бер тәрбияче дә читтә калмады.Балалар белән бергә җырладык, биедек, өйрәндек! Юлбат балалар бакчасы коллективына эшләрендә уңышлар һәм рәхмәтләребезне белдерәбез.

Бүген бакчабызда ата-аналар җыелышы булды. Җыелышта- балаларга карата җинаятьне булдырмау һәм кисәтү, явыз кешеләрдән үз- үзеңне ничек сакларга кирәклеге турында әңгәмә- чыгыш ясалды.Авыл Советы рәисе Илгизәр Робертович чыгышы тыңланды. Тәрбияче Гөлнәзирә Нигматова әти- әниләрне "Истоки" программасы белән ныклап таныштырды.