Бүген бакчабызда чираттагы ата-аналар җыелышы булып узды.Бакчабыз мөдире әти- әниләрне яңача түләүләр белән таныштырды, шулай ук бакчага кагылышлы башка мәсьәләләр дә каралды.

Бүген бакчабызда Корбан итеннән аш пешереп ашадык. Балаларга Алланың барлыгын, берлеген, дини йолаларыбызның саклануы, кирәклеге, изгелек төшенчәләрен тагын бер кат аңлату өчен авылыбызның иң- иң олы ихтирамга лаеклы кешесе- Раушания әби Шамилованы чакырдык. Аның вәгазьләре барыбыз күңелендә дә яхшы уй- теләкләр генә калдырды. Ул балаларның һәрберсенә бисмилла әйттереп: "Акыллы булсам иде, тәүфыйклы булсам иде, әтием- әнием исән- сау булсыннар иде, 7 буын бабаларымның рухлары шат булсын, амин!"- дип әйттереп чыкты. Зур рәхмәт Сезгә Раушания әби!

Менә ул- үзенең ике баласы янына 4 ятим баланы сыендырып үстергән, газета- журнал битләрендә басылган Изге Ана- Раушания әбиебез! Сез тормышның әче михнәтләрен күп күргәнсез. Хәзер инде балаларыгыз, оныкларыгыз бәхетен күреп яшисез! Озын , матур картлык бирсен сезгә Ходай! Сез моңа мең мәртәбә лаек кеше!

Рәхәтләнеп биеп алгач

Тәмле була ашарга.

Барыгыз да тырышыгыз,

Күнегүләр ясарга!

Су буенда җәй буе

Каз бәбкәсе сакладым.

Хәзер инде үстеләр

Зур булдылар казларым!)

Кызарып күпереп пешкән

Икмәк тора табында.

Икмәк торса табында,

Зур үсәрмен тагын да!!!