Бүген татар халкының милли орнаментларын кулланып "матур калфаклар" ясадык.Без бит- татар балалары! Ә татар балалары милли бизәкләрне белергә тиеш.

Әй калфагым, калфагым! 

Калфаклар кияр чагым.

Йөзләремне бизәп тора

Минем- матур калфагым!

Минем- милли калфагым!

Бүген дустыбыз Гөлзирәнең туган көне булды.Аңа 5 яшь тулды.Гөлзирзбез әле быел гына "ачылып" китте.Бәйрәмнәрдә дә очып- очып биеде, матур итеп шигырьләр дә сөйләде, әкиятләрдә дә катнашты.Без моңа чын күңелебездән сөендек! Ничек инде сөенмәскә- 5 яшь тулгач бик тә зур кыз бит инде ул!Гел шундый тырыш булып үс, яме, дустыбыз Гөлзирә!!!)))

Буш вакытыбыз булса, ул вакытны бер дә әрәм итмибез, тәрбияче ярдәмчебез Миләүшә апаның дә чәчләренә "матур" прическалар ясыйбыз.И кәнагәть тә кала инде Миләүшә апа без ясаган "прическалардан", сездән дә "оста" чәчтарашлар юктыр ул- дип мактый безне)))Без дә бик сөенәбез, кешегә шатлык бүләк итүдән дә зур сөенеч кайда бар?)))

Матур итеп, "акыллы" булып йоклый да беләбез әле без.

Апа әйтә: Йоклагыз!- ди.

Йокласагыз- үсәрсез!

Битләрегез матур булыр!

"Алма кебек" пешәрсез!)))

Язгы кояш бигрәк матур

Хәтта күзләр камаша.

Табигатьтә Яз исе!

Нинди матур тамаша!!!

Чаңгы эзләребез тиздән 

Эреп бетәрләр инде.

Чаңгыларны җыеп куепГөрләвекле сулар аккан 

Язны көтәрбез инде)))

Юл йөрү кагыйдәләрен өйрәнүгә нигезләнгән "Сәяхәтче Әтәч" әкиятен барлык кунаклар да яратып карады)))

Бүген "Язгы табигать, язның матурлыгы турында сөйләштек, "Яз" турында шигырьләр өйрәндек,язгы табигатьне чагылдырган рәсемнәр ясадык.Бик матур килеп чыкты)))

Кечкенәләр дә зурлардан калышмыйлар.Әнә нинди матур балыклар "ясап куйганнар" ләбаса)))

"Нәүрүз бәйрәменә" дә санаулы көннәр генә калып бара.Без "Нәүрүз"не ел саен Мәдәният йортында зурлап каршыларга гадәтләнгән инде.Бүгеннән бәйрәмгә әзерлекне башлап җибәрдек. "Нәүрүз Мөбарәк булсын!"- дигән яңа җыр өйрәндек."Яз", "Нәүрүз" турында өйрәнәсе җырларыбыз шактый әле. "Тал песие", "Җылы яз, яз килә" җырлар мәсәлән.(Р. Вәлиева). Ә җырларга безгә генә кушыгыз инде сез! Теттереп җырлыйбыз!

Атналык дәвам итә.Суны да, урманнарны да, биек- биек тауларны да, елга- күлләрне дә безгә бит Табигать- АНА биргән икән!Без аны сакларга тиешбез!Бүген без дә чишмә суларыбызны сакларга, елгаларыбызны пычратмаска сүз бирештек һәм үзебезнең авыл "елгасына" матур- матур" балыклар ясап җибәрдек.Бәлки әле җәй көне кармакларыбызны алып төшеп "берсен" генә булса да каптырырбыз да)))