Сегодня,8 сентября, весь мир отмечает Международный день грамотности.В нашей школе к этому дню было проведено мероприятие "Грамотный человек - успешный человек". Учащиеся познакомились с историей возникновения этого праздника, проверили свою грамотность

Бүген ,5 сентябрь көнне, Финанс грамоталылыгы көне кысаларында 8 сыйныф укучылары  белән "Минем гаиләмнең бюджеты" дигән темага дәрес үткәрелде.Укучылар үзләрен кызыксындырган сорауларга җавап таптылар, икътисад буенча белемнәрен арттырдылар.

Бүген илебезнең барлык мәктәпләрендә террорчылыкка каршы көрәш көне уңаеннан чаралар үткәрелде. Безнең мәктәптә дә бу турыда укучылар белән сөйләшүләр алып барылды, әңгәмәләр үткәрелде.

           Соңгы кыңгырау чылтыраганга инде бер ай үтүгә карамастан, уку елы әле яңа гына тәмамланып килә. Дистә еллар буе белем алган укучыларның бүген чыгарылыш кичәсе. Мәктәбебезне быел 7 укучы тәмамлады.

             Сезне мәктәп тәмамлавыгыз белән чын күңелдән котлыйбыз! Тормыш биографиягезнең һәр бите иҗади эзләнүләр, намуслы хезмәт җиңүләре белән бизәлсен. Һәрчак бәхет һәм уңышлар насыйп булсын сезгә, чыгарылыш сыйныф укучылары!

Канат ярган нәни кошлар сыман

Талпынасыз очып китәргә,

Яшьтән күңелегензне җилкендергән

Хыялларны чынлык итәргә.

Аерыласыз сөйгән мәктәп белән

Гомерегезнең алсы таңында.

Хәерле юл теләп озатабыз

Саф чәчәктәй тормыш язына.

        "Ал җилкән" лагереның күңелле, төрле ачышларга бай, истәлекле көннәре инде ахырына якынлашты. Балалар биредә ял итеп кенә калмады, ә төрле иҗади һәм спорт чараларында актив катнашты. Бүген дә алар өчен мәктәп стадионында Сабантуй бәйрәме оештырылды. Укучылар һәр уенда бик теләп катнаштылар, истәлекле бүләкләр алдылар.  Саубуллашканда исә укучылар киләсе елга янәдән очрашырга сүз куештылар.

        Бүген  ГТО нормаларын тапшыру буенча фестиваль үткәрелде. Аны физкультура укытучысы Мавлетов Б.М.  оештырды.  

      Бүген ял һәм сәламәтләндерү лагерена йөрүче укучылар "Авылым табигате" рәсем конкурсында катнаштылар, күлгә сәяхәт кылдылар. Көннең икенче яртысында хәрәкәтле уеннар уйналды.

           22 нче июнь – Бөек Ватан сугышы башлану датасы булып тарихка кереп калган Хәтер һәм кайгы көне. Бөек Ватан сугышының яу кырларыннан кайта алмаган хәрбиләрне һәм шулай ук сугыштан соң бу якты дөньядан киткән ветераннарны бүген дә хәтерлибез, олылап искә алабыз. Бүген Түбән Шытсу урта мәктәбенең “Ал җилкән” ял һәм сәламәтләндерү, “Дуслык” ял һәм хезмәт лагерена йөрүче балалар Бөек Ватан сугышы турында презентация карадылар, ветераннарыбызны искә алдылар, фикер алыштылар. Шулай ук укучыларыбыз яу кырында ятып калган каһарман якташларыбызның якты истәлегенә куелган һәйкәл янына экскурсиягә бардылар.

22 нче июнь – Бөек Ватан сугышы башлану датасы булып тарихка кереп калган Хәтер һәм кайгы көне. Бөек Ватан сугышының яу кырларыннан кайта алмаган хәрбиләрне һәм шулай ук сугыштан соң бу якты дөньядан киткән ветераннарны бүген дә хәтерлибез, олылап искә алабыз. Бүген Түбән Шытсу урта мәктәбенең “Ал җилкән” ял һәм сәламәтләндерү, “Дуслык” ял һәм хезмәт лагерена йөрүче балалар Бөек Ватан сугышы турында презентация карадылар, ветераннарыбызны искә алдылар, фикер алыштылар. Шулай ук укучыларыбыз яу кырында ятып калган каһарман якташларыбызның якты истәлегенә куелган һәйкәл янына экскурсиягә бардылар.

Шулай ук бүген "Дуслык" ял һәм хезмәт лагереның соңгы көне иде. Шул уңайдан укучыларга "Сабантуй" бәйрәме оештырылды.