Районда быел 11нче тапкыр үткәрелә торган Кабак бәйрәменә тырышып әзерләндек. Кабактан матур эшләнмәләр дә, тәмле ризыклар да күп иде өстәлебездә. "Иң зур кабак" номинациясендә  укытучы Набиуллина Г.М. үстергән кабак 3 урын алды.Тырышлык бушка китмәде: грамота һәм акчалата  бүләккә ия булдык.

       Мәктәбебез укучылары, укытучылар белән берлектә, дару үләннәре җыю эшен дәвам итәләр. Бүген исә 8 нче сыйныф укучылары гөлҗимеш җыйдылар. 

                  Бүген мәктәп яны тәҗрибә участогында чөгендер алу өмәсе оештырылды. Җыеп алынган уңыш мәктәп складына урнаштырылды.

                 Бүген мәктәбебездә бәрәңге уңышы җыеп алынды.

                 Бүген районыбызда мәгариф хезмәткәрләренең җәйге спартакиадасы уздырылды. Мәктәбебез директоры Хафизов А.Ф. VIP-узышта I, физик тәрбия укытучысы Мавлетов Б.М. III урынны яуладылар.

15 нче сентябрь-  Татарстан Варислары Берлегенең   туган көне. Шушы уңайдан мәктәбебездә 5 сыйныф укучыларын Татарстан Варислары Берлеге сафларына кабул итү тантанасы булды. Булачак варисларны тапкырлыкта һәм җитезлектә сынап караганнан соң гына, “Йолдыз” балалар оешмасының Варислар сафына кабул иттеләр. Алар тырышып укырга, тәртипле булырга, җәмәгать эшләрендә актив катнашырга һәм Татарстан Варислары Берелегенең законнарын төгәл үтәргә сүз бирделәр. Тантана 6 сыйныф укучыларының булачак варисларга галстуклар бәйләү белән тәмамланды.

Бүген "Ышаныч вакыты" акциясе кысаларында 6-9нчы классларда "Ышаныч телефоны ни өчен кирәк?" темасына класс сәгате үткәрелде. Укучылар  ышаныч телефонының      килеп чыгышы , кайчаннан эшләве белән таныштылар, нинди очракларда  шалтырытырга мөмкин икәнлеген белделәр.