Лагерьның җиденче көнендә укучылар экологик сәяхәткә бардылар, күңелле спорт уеннары уйнадылар. Физика атналыгының соңгы көнендә космонавтикага багышланган эчтәлекле видеосюжет карадылар.

             Ял һәм хезмәт лагерена йөрүче укучылар "Көчсез буын" интеллектуаль уенында катнаштылар, саф һавада спорт уеннары уйнадылар.

            Ял һәм сәламәтләндерү лагере үз эшен уңышлы гына дәвам итә. Бүген укучылар "Күңелле стартлар"да көчләрен сынадылар, "Мин Байлар сабасында яшим!" информацион сәгатендә үзләренә кызыклы булган бик күп мәгълүмат тупладылар. 

   Ял һәм хезмәт лагереның алтынчы көнендә укучылар тәмәкенең зыяны турында видеофильмнар карадылар, плакатлар ясадылар, Нургалиев Р.Н. җитәкчелегендә болынга дару үләннәре җыярга бардылар.

           "Ал җилкән" ял һәм сәламәтләндерү лагереның дүртенче көнендә укучылар физикага кагылышлы кызыклы тәҗрибәләр ясадылар, технология укытучысы Гильмутдинов Ф.Г. җитәкчелегендә самолет макеты ясадылар.

         "Дуслык" хезмәт һәм ял лагерена йөрүче укучылар бакчада чүп утап, су сибеп кергәч, "Пушкин - солнце русской поэзии" дигән ачык чарада катнаштылар, көннең икенче яртысында сәламәт яшәү рәвешен пропагандалауга багышланган флешмоб биеделәр.

         Бүген укучыларыбыз Салкын чишмәгә экскурсиягә бардылар, хәрәкәтле уеннар уйнадылар, "Син табигатьне беләсеңме?" интеллектуаль бәйгесендә катнаштылар. 

           "Дуслык" ял һәм хезмәт лагерена йөрүче укучылар бүген "Нәрсә ул бәхет?" дигән темага фикер алыштылар, тиешле тәнәфесләрне саклап, бакчада эшләделәр. 

            "Ал җилкән" лагереның өченче көне дә файдалы һәм мавыктыргыч булды. Физика атналыгы кысаларында укучылар кызыклы тәҗрибәләр ясадылар, шулай ук мәчеткә экскурсиягә бардылар. 

           Ял һәм хезмәт лагерена йөрүче укучылар бүген сәламәтлек темасына багышланган "Могҗизалар кыры" уенында катнаштылар, бакчада тиешле тәнәфесләрне саклап эшләгәннән  соң, дару үләннәре җыярга бардылар.