15 октябрь- Хәтер көне. Шушы уңайдан тарих укытучысы Нуриәхмәтова Д.Р. "Хәтерләрдә тарих яңара" дигән темага чара уздырды. 6 сыйныф укучылары Казан ханлыгы һәм аның алынуы турында эчтәлекле чыгыш ясадылар.

Дару үләннәре җыю буенча районыбыз республикада II урынны алды. Әлеге уңышта безнең мәктәбебез укучыларының да өлеше бар. Мәктәбебезгә Рәхмәт хаты тапшырылды.

Бүген районыбызда  “Гаилә һәм мәктәп” журналы инициативасы белән үткәрелүче  “Күркәм гаилә-2015” бәйгесе  узды. Ул район һәм авыл җирлекләрендә яшәүче матур, яшь гаиләләрне барлау,  җәмгыятьтә гаилә кыйммәтләрен үстерү, халкыбызның буыннан–буынга сакланган матур гореф-гадәтләрен ачыклау максаты белән оештырыла.  Конкурста  безнең мәктәптән   Баһмановлар гаиләсе  катнашты һәм бик матур чыгыш ясады. 

Укытучы!

Кирәк чакта җитез дә син, тапкыр да син,

Кирәк чакта сабыр да син, батыр да син,

Бик җаваплы, авыр синең хезмәтең дә,

Тиешенчә күрсәң иде хөрмәтен дә.

Укытучылар бәйрәме белән котлап, укучылар Үзидарә көне үткәрделәр. Дәресләр укытып, укытучы һөнәренең  авыр да, мәшәкатьле дә, кызыклы да икәнлегенә төшенделәр.

1 октябрь - Өлкәннәр көне . "Йолдыз" балалар оешмасы укучылары ветеран укытучыларның, хезмәткәрләрнең өйләренә бәйрәм белән котларга бардылар, изге теләкләрен җиткерделәр, күчтәнәчләр тапшырдылар.,