«Ватан Геройлары көне» уңаеннан төзелгән план нигезендә мәктәбебездә «Без сугыш теләмибез» темасына рәсем конкурсы башланды. 10 сыйныф укучысы Зәйнетдинова Гөлдания бабасы – Бөек Ватан сугышы ветераны - Зәйнетдинов Зариф  абый турында стенгазета чыгарды. 6-7 декабрьдә Бөек Ватан сугышы еллары турында материаллардан күргәзмә оештырыла.

Мәктәбебез укучылары  Олы Шыңар урта мәктәбендә уздырылган волейбол ярышларының зона этабында катнаштылар һәм икенче  урын алдылар. Волейбол командасына һәм түгәрәк җитәкчесе Мустафин Р.С. –ка алдагы ярышларда уңышлар телибез! 

1 декабрьдән мәктәптә инвалидлар ункөнлеге башланды. 3 нче сыйныф укучылары Зарипов Гадел һәм Мухаметшина Мәрьямнең иҗади эшләреннән күргәзмә оештырылды.

7-8 нче сыйныфта “Сынмас рухлы җаннар”  темасына тәрбия дәресләре үткәрелде. Фәнис Яруллинның тормыш юлы һәм иҗаты, әдәби әсәрләрдәге геройлар мисалында мөмкинлекләре чикләнгәннәрнең тормышка омтылышы, яшәүгә өмете белән таныштырды.

“Иганәчеләр көне” уңаеннан 30 ноябрь көнне почта бүлеге начальнигы Сафина Алсу  укучылар белән очрашу үткәрде. Ул 2014 елга газета – журналларга язылу турында аңлатты. Укучыларны матбугаттагы яңалыклар, яңа газеталар, журналлар  белән таныштырды.

2 декабрь-  Банк хезмәткәрләре көне уңаеннан “Россельхозбанк” хезмәткәрләре укытучылар белән очрашуга килде. Алар уңайлы кредитлар, кредит ташламалары  белән таныштырдылар, күп кенә сорауларга җавап бирделәр. 

Башлангыч сыйныф укучылары саф һавада уйнадылар, Кар бабай ясадылар.

26 ноябрьдә Әниләр көне уңаеннан башлангыч сыйныф укучылары көче белән әзерләнгән концерт булды. Алар, барлык әниләрне бәйрәм белән котлап, матур чыгыш ясадылар, бүләкләр бирделәр. Бәйрәм бик күңелле үтте.

Барлык  әниләрне Әниләр көне белән тәбрик итәбез!

Зур бәхетләр юлдаш булсын сезгә,

Көнегезне шатлык бизәсен.

Сәламәтлек - ярты бәхет диләр,

Шушы бәхет читләп үтмәсен.

Тарих укытучысы Нурия Рифгатевнаны  50 яшьлек юбилее белән котлыйбыз!

Фән олимпиадаларында призлы урын яулаган Ахатов Альмирны, Садикова Зиләне уңышлары белән тәбрик итәбез.