1-30 мартта укучыларга һөнәри юнәлеш бирү, хезмәткә мәхәббәт тәрбияләү максатыннан  Профориентация һәм "Хезмәттәш" МБ айлыгы игълан ителде. Айлык кысаларында ачык чаралар, очрашулар оештырырга планлаштырыла.

  “Хезмәттәш”  методик берләшмәсе айлыгы  планы нигезендә технология укытучысы Гараева Сәрия Солтановна  4 нче класста  “Оста куллар”  (дәрестән тыш эшчәнлек)  дәресендә ачык дәрес үткәрде.  Укучылар әниләренә  бик матур бүләк әзерләделәр. 

Мәктәпнең укыту планы буенча март ае-  “Хезмәттәш”  методик берләшмәсе айлыгы. Айлык кысаларында  хезмәт тәрбиясе, һөнәри белем бирү юнәлешендәге  чаралар планлаштырылган. Барлык укучылырны айлыкта актив катнашырга чакырабыз.

1 март  көнне Шытсу мәктәбендә  М.Фәйзиев  призына уздырылган  көрәштә  9 нчы сыйныф укучылары Мубараков Айнур -3 нче урын, Мубаракшин Руслан – 2 нче урынны алдылар. Без сезне уңышларыгыз белән котлыйбыз.  Алдагы ярышларда җиңүләр яулавыгызны телибез!  

Бүген мәктәптә озак еллар җыештыручы булып эшләүче Марданова Рәзилә ханым үзенең 50 яшьлек юбилеен бәйрәм итә. Без Рәзилә ханыма иң матур теләкләрне җиткерәбез. Юбилеең котлы булсын!

Бүген, 20 нче Февраль көнне мәктәптә “Аҗаган – 2014” уены үткәрелде. “Яшелләр” һәм “Зәңгәрләр”  командалары арасында киеренке ярыш барды. Стройда йөрү, флаг эзлзү, мина кыры аша үтү, байрак эзләү, санитарлар ярышы, граната ыргыту этапларыннан торган бу уенда 5,9,10 класс укучылары берләшкән “Зәңгәрләр”  отряды җиңеп чыкты.

Ярышта катнашкан һәр укучы үз эшен намус белән, чын солдатларча башкарды. 

Бүген, 17 нче Февраль көнне татар халының бөек шагйре Муса Җәлилгә багышланган кичә булды. Герой – шагыйрьнең батырлыгы, иҗаты турында бай мәгълумат бирелде. Җәлилне һәм аның батырлыгын онытырга хакыбыз юк!

Тиздән Ватанны саклаучылар көне җитә. Бәйрәм бүләкләрсез була алмый. Башлангыч сыйныф укучылары үз куллары белән әтиләренә бүләк әзерләделәр. 

 “Ел укытучысы” конкурсының икенче турында безнең мәктәпнең физика һәм информатика укытучысы Сабирзянова Ф.М. катнаша. Без аңа иҗади уңышлар телибез!