Кошлар атналыгы кысаларында кош ояларына күргәзмә оештырылды.

“Оста куллар” дәрестән тыш шөгылендә 3 нче сыйныф укучылары тозлы камыр белән эшләргә өйрәнделәр.

Мәктәбебездә апрель ае башлангыч сыйныфларның “Нигез” методик берләшмәсе айлыгы итеп игълан ителде. Айлыкны 1 апрель көнне Бөтендөнья кошлар көненә багышланган кичә белән башлап җибәрделәр. Кичәдә укучылар кошлар турында бик күп мәгълүмат  тупладылар, шигырьләр сөйләделәр, җырладылар, ребуслар һәм кроссвордлар чиштеләр. Ахырдан викторина ярдәмендә белемнәрен тикшерделәр.

30 мартта  Шәмәрдәндә Н. Асретдинов истәлегенә волейбол ярышында мәктәбебезнең егетләр командасы I I урынны алды. Кызлар командасы IV урында. Без укучыларыбызны, тренерлары Файзрахманов И.Х ны һәм физкультура укытучысы Мустафин Р.С.ны  уңышлары белән котлыйбыз!

28 мартта район мәктәпләре арасында район беренчелегенә үткәрелгән волейбол ярышында мәктәбебезнең егетләр командасы I урынны алды. Кызлар командасы IV урында. Без укучыларыбызны ,тренерлары Файзрахманов И.Х ны һәм физкультура укытучысы Мустафин Р.С.ны  уңышлары белән котлыйбыз!

Каникул вакытында тимурчылык эше туктап тормый. 9 нчы сыйныф укучылары Мубаракшин Р., Краснова В. Иске Мичәндә яшәүче өлкәннәргә  ярдәм иттеләр.

Бүгеннән укучыларның язгы каникуллары башланды. Каникул күңелле  үтсен, укучыларыбызның тормышы имин булсын дигән максат куеп, укучылар белән очрашуга Саба районы янгын күзәтү бүлегенең баш инспекторы Габдрахманов  Раиль Васильевич килде.  Янгыннар вакытында килеп туган психологик хәләт, беренче адымнар турында аңлатты һәм укучыларның белемнәрен тикшерде. 

4 Апрель дә укучылар арасында “Аҗаган- 2014” хәрби – патриотик уены үткәреләчәк.  ОБЖ  укытучысы Ибрагимов Р.З. каникул вакытында укучыларны ярышка әзерли башлады 

Теплицада кыярның беренче уңышы җыеп алынды.

9 нчы сыйныф укучылары рус теленнән имтиханга әзерлек консультациясенә килделәр.