Бүген 1нче сыйныф укучылары белән сыйныф "Интернет дусмы, дошманмы?" дигән темага тәрбия сәгате үткәрелде. Сыйныф җитәкчесе белән укучылар интернетның уңай һәм зарарлы якларын ачыкладылар. Соңыннан һәр укучыга "Дети в интернете" дигән китаплар өләшенде. 

Каникулда укучылар әти-әниләренең эш урыннарында булып, аларның хезмәтләре белән таныштылар.

Мәктәбебездән 8 укучы 3-5нче ноябрь көннәрендә Байкиев К.С. исемендәге  Икшермә кадет мәктәп-интернат базасында КВН мәктәбендә булып, КВН уйнау кагыйдәләренә өйрәнделәр һәм 5нче ноябрь көнне уйнаган КВНда ""Лучшая шутка" номинациясендә җиңү яуладылар. Укучыларыбызны чын күңелдән котлыйбыз һәм алга таба да зур уңышларга ирешүләрен теләп калабыз.

4нче сыйныф укучылары бүген Миңгәрдә Ш.Биктимеров музеенда һәм Сабада "Олимп" стадионында булып, күңелле ял итеп кайттылар.

Бүген информатика укытучысы Галиева Г.М. интернет куркынычсызлыгы буенча  дәрес үткәрде. Мондый дәресләрнең төп максаты – балаларга интернет аша янаган куркыныч турында аңлату. Укучылар интернет аша үтеп кергән куркыныч, аларның ничек таралуы, әлеге куркынычка каршы көрәшү ысуллары белән таныштылар.  

10нчы сыйныф укучылары үзләре шефлык итә торган Кафия апада булып, туган көне белән котлап кайттылар.

Бүген мәктәбебездә I чирек нәтиҗәләре буенча әти-әниләр җыелышы үткәрелде.

Бүген Эзмә авылы мәдәният йортында "Тату сыйныф серләре" республикакүләм бәйгенең зона ярышы үткәрелде. Бәйгедә Эзмә, Олы Шыңар, Югары Симет, Мичән, Тимершык мәктәпләренең әти-әниләр комитетлары көч сынашты. Мәктәбебездән әлеге бәйгедә 6нчы сыйныфларның әти-әниләр комитеты чыгыш ясады. Һәр чыгыш жюри тарафыннан югары бәяләнеп, төрле номинацияләрдә исемнәр бирелде.