Г.Кариев исемендәге татар дәүләт яшь тамашачы театры  бүген Эзмә мәдәният йортында "Светофорда кунакта" спектаклен тәкъдим итте. Спектакль укучыларыбызга бик ошады.

3нче сыйныф укучылары белән "Көчле звено уены үткәрелде. Уен эзтабарлар атналыгы кысаларында оештырылды.

Мәктәбебездә эзтабарлар атналыгы дәвам итә. План нигезендә бүген 1нче сыйныф укучылары белән "Күңелле уен" үткәрелде.

Лесхозда 2003-2004нче елгы укучылар арасында (тренеры Галиев А.Г.) уздырылган чаңгы ярышының зона этабында мәктәбебез командасы 1нче урынга лаек булды. Егет һәм кызларыбызга алга таба да уңышлар телибез.

Бүген мәктәбебездә эзтабарлар атналыгы башланып китте. Укучылар бүген атналык планы белән таныштылар, 4б укучылары Фәнис Яруллинның "Убырлы һәм аның кызлары" әкият - пьесасын сәхнәләштерделәр. 

Искечә Яңа ел уңаеннан бүген башлангыч сыйныф укучылары белән чыршы янында күңелле уеннар оештырылды, Яңа ел җырлары җырланды. 

Шиһабетдин Мәрҗанинең тууына 200 ел уңаеннан "Мәрҗани - татар дөньясының мөхтәрәм заты" темасы буенча күргәзмә әзерләнде.

Кышын кошларга безнең ярдәмебез бик кирәк. Шуңа күрә укучыларыбыз да "Кошларга ярдәм" акциясендә бик теләп катнашалар.

2а һәм 2б сыйныф укучылары бүген кышкы табигатькә сәяхәт иттеләр, табигатьтәге үзгәрешләрне, кышның матурлыгын күзәттеләр.

Укучыларыбызның каникул көннәре күңелле һәм файдалы үтә. Бүген 5нче һәм 7нче сыйныф укучылары "Нарат" боз сараенда булып, сәламәтлекләрен ныгытып, күңелле ял итеп кайттылар.