Мәктәбебезнең иң актив 14 укучысы бүген Лесхоз бистәсендә район башлыгы тарафыннан уздырыла торган чыршы бәйрәмендә катнаштылар. Әлеге матур бәйрәмне оештыручыларга әти-әниләр һәм укучыларыбыздан зур рәхмәт.

Район тарафыннан үткәрелгән IT-чемпион конкурсында мәктәбебез "Иң актив мәктәп" номинациясендә  2нче урынга лаек булды. Шулай ук укучыларыбыз Хадиева Зилия һәм Нәгыймов Әмир дә бу конкурста актив катнашып, җиңүчеләр булдылар. Барлык катнашкан укучыларга, сыйныф җитәкчеләренә, әти-әниләргә зур рәхмәтебезне җиткерәбез.

Бүген 4 - 7нче сыйныфлар өчен  мәктәбебездә Яңа ел бәйрәме узды. Чыршы тирәсендә күмәк биюләр, матур җырлар башкарылды.Маскарад костюмнары, Кыш бабай һәм Кар кызы бәйрәмгә тагын да ямь өстәделәр. Укучылар Кыш бабайга үзләренең иң матур биюләрен, җырларын әзерләгәннәр. Бәйрәм башында уку алдынгылары, олимпиадаларда призлы урыннар яулаган укучыларыбыз бүләкләнде.

Мәктәбебездә  укучылар өчен Яңа ел бәйрәмнәре  үтте. Бәйрәмне 23 декабрь көнне 12.00 сәгатьтә 1-3нче сыйныф укучылары башлап җибәрделәр. Нинди Яңа ел бәйрәме чыршы тирәсендә җыр җырлап әйләнүдән башка гына була алсын. Әлбәттә, безнең укучыларыбыз да аны чыршы тирәсендә ачып җибәрделәр.  Дәртле биюләр, күңелле җырлар җырлап, уйнап Кыш бабай белән Кар кызын каршы алдылар. Алар да бүләксез килмәгән, укучыларны котладылар, күчтәнәчләр өләштеләр. Ә кичен 8-11нче сыйныф укучылары өчен бәйрәм оештырылды. Яңа ел бәйрәме укучылар чыгышы, күңелле уеннар белән үрелеп барды. Бәйрәм барышында  уку алдынгыларыбыз, олимпиадаларда призлы урыннар алган укучыларыбыз тәбрикләнде.

Бүген Кыш бабай белән Кар кызлары укучыларыбызга Яңа ел күчтәнәчләре өләште.

Бүген балалар иҗат үзәгендә укучыларыбыз «Алтын башмак» («Золотой каблучок») район бию конкурсында катнашып, бик матур чыгыш ясап кайттылар. 

Учащиеся 8 класса и классный руководитель Димитриева Л.И. вместе с родителями провели воскресный вечер в ледовом дворце "Нарат".

Бүген 5нче сыйныф укучылары сыйныф җитәкчеләре Сөләйманова Н.М. белән обелискка барып, кардан чистартып, чәчәкләр куеп кайттылар.

9нчы декабрь - Ватан геройлары көне уңаеннан сыйныф сәгатьләре уздырылды, шулай ук тарих укытучысы Сөләйманова Н.М. гомуммәктәп линейкасында укучыларны әлеге көннең тарихы белән таныштырды.