Көннең беренче яртысында балалар белән лагерь ачылышына багышланган "Алло,без талантлар эзлибез" исеме астында концерт оештырылды. Барлык бала да концертта үз һөнәрен күрсәтте. Шулай ук "Кубиклар - рубиклар" шөгылендә дә балалар актив катнашты. Нинди генә кубик-рубиклар алып килмәгәннәр иде балалар! Көнебез бик күңелле үтте.

Лагерьда бүгенге көнебез дә күңелле үтте. Балалар Эзмә фельдшер-акушерлык пунктында булып, "Минем буем һәм авырлыгым" исеме астында диагностика үттеләр, ФАП мөдире Шәйхетдинова Г.Ш. файдалы һәм зарарлы гадәтләр турында әңгәмә үткәрде. Шулай ук "Алло, без талантлар эзлибез" дип аталган концерт программасына әзерлек эшләре алып барылды. Төшке аштан соң музыка астында күңелле уеннар үткәрелде.

Бүген мәктәбебездә 40 балага исәпләнгән "Дуслык" ял һәм сәламәтләндерү лагере, 10 балага исәпләнгән "Кырмыска" ял һәм хезмәт лагере үз эшен башлап җибәрде. "Дуслык" лагерена йөрүче балалар "Кояшкай" һәм "Гөлкәйләр" отрядларына бүленделәр. Куркынычсызлык кагыйдәләре буенча инструктажлар үткәрелде, отряд почмаклары эшләнелде. Балаларны яклау көне уңаеннан күп төрле чаралар үткәрелде.

Бүген 10нчы сыйныф укучылары 5-8нче сыйныф укучылары өчен балалар Сабантуе үткәрде. Программадагы халкыбызның милли уеннары: капчык киеп йөгерү, чүлмәк вату, кашыкка йомырка куеп йөгерү, тауга каршы йөгерү һәм башка уеннарында бик теләп катнаштылар, яратып уйнадылар. Яхшыкүтәренке кәеф өйләргә кайткач та дәвам итте.

Узган уку елы йомгаклары буенча бүген әти-әниләр җыелышы үткәрелде. Җыелышта уку елына нәтиҗәләр ясалды, укучыларның җәйге ялын күңелле һәм файдалы итеп үткәрү максатыннан әти-әниләргә аңлату эшләре алып барылды. Түгәрәкләр, катнашкан конкурсларга анализ "Бәхетле балачак" исеме астында концерт номерлары белән үрелеп барды. Концерт барышында олимпиадаларда җиңгән укучыларның әти-әниләренә һәм укытучыларына, шулай ук уку елын гел "5"ле билгеләренә генә тәмамлаган укучыларның әти-әниләренә Рәхмәт хатлары тапшырылды. Ел буе конкурсларда актив катнашып, "Иң иҗади сыйныф" исеменә лаек булган сыйныфлар да билгеләнде. "Алтын куллар", "Техник иҗат" түгәрәкләренә йөрүче укучыларыбызның кул эшләреннән һәм спорт юнәлеше буенча укучыларыбызның грамоталарыннан күргәзмә әзерләнде.

  Җыелышның икенче өлеше сыйныфларда дәвам итте.

Бүген районыбыз үзәгендә үткәрелгән техник иҗат фестиваленедә укучыларыбыз "Техник иҗат" түгәрәгендә үз куллары белән ясаган эшләнмәләр белән катнаштылар.

Башлангыч сыйныф укучылары экскурсиядә.

Бәйрәмдә өстәмә белем бирү берләшмәләре эшен тагын да яхшырту максатыннан мәктәбебезгә ярдәм күрсәткән спонсорларыбызга Рәхмәт хатлары тапшырылды.

      Мәктәбебездә икенче уку елы рәттән Татарстанның атказанган  мәдәният хезмәткәре,  ТР Журналистлар берлеге әгъзасы,  Эзмә урта                 мәктәбенең 1973нче елгы чыгарылыш  сыйныф укучысы  Гөлсинә Наил кызы Галимуллина исемендәге  “Иң белемле укучы” проекты       гамәлгә ашырыла. 2017-2018нче уку елы йомгаклары буенча уку елы дәвамында иң күп “5”ле алучы түбәндәге укучыларыбыз: Усманова         Нәзирә, Гыйльманова Зәлинә, Шәйдуллина Илүсә, Арстамбекова Гөлназ, Сафиуллина Иделия, Хадиева Зилия, Гыйбадуллина               Айзилә, Галиева Әдилә һәм Сәләхиева Әдилә әлеге проект премиясе белән  бүләкләнделәр.              

     Авылдашыбыз Гөлсинә Наил кызы Галимуллинага олы рәхмәтебезне белдерәбез, сәламәтлек, гаилә бәхете, иҗади унышлар телибез.