Бүген лагерь белән хушлашу көне уңаеннан укучылар көче белән концерт куелды, балалар Сабантуе оештырылды. Балаларның ялын күңелле оештыруга хезмәте кергән барлык вожатыйларга, хезмәткәрләргә зур рәхмәтебезне белдерәбез, ә укучыларыбызга җәйге ялларын хәвеф-хәтәрсез үткәрүләрен теләп калабыз.

Бүген укучыларыбыз халык әкиятләрен сәхнәләштерделәр, "Наркотикларсыз тормыш"  исеме астында рәсем конкурсы, флешмоб  оештырылды. Көнебез файдалы һәм күңелле үтте.

Ил тарихына иң кайгылы көннәрнең берсе булып кереп калган, кара хәрефләр белән язылган 22 июньне Хәтер һәм кайгы көне буларак билгеләп үтәбез. Шул уңайдан балалар Бөек Ватан сугышында һәлак булып калучылар истәлегенә куелган һәйкәлгә барып, тирә - ягын җыештырдылар, чәчәкләр салдылар. 

Бүгенге көнебез Кырлайга сәяхәт белән истә калды. Балалар белән бөек шагыйребез Габдулла Тукай музеенда, Сәгъди абзый йортында булдык, көймәләрдә йөрдек. Балаларга экскурсия бик ошады.

Укучылар белән Бөек Ватан сугышында һәлак булып калган авылдашларыбыз истәлегенә куелган һәйкәлгә салу өчен чәчәкләр ясалды. Төшке аштан соң "Кояш, һава һәм су - безнең якын дуслар!" исеме астында күңелле чара уздырылды. 

Көннең үткәне сизелмәде дә. Отрядларда "Иң зирәк" конкурсы, өстәл уеннары үткәрелде. "Без биергә яратабыз" дигән чарада иң оста биюче балалар ачыкланды. Төшке аштан соң пластилиннан хәрби техникалар ясап, күргәзмәгә куелды. Көнебез саф һавада уеннар белән тәмамланды.

Иртәнге аштан соң "Безгә бергә күңелле" - "Елмай" дип исемләнгән фотосессиядә балалар бик теләп катнашты. "Истәлекле урыннар буйлап" дип аталган туган якны өйрәнү шөгылендә җирлегебездәге тарихи урыннар белән таныштылар, экскурсия оештырылды.

Бүгенге көнебез дә күңелле үтте. Балалар белән "Дуслык утравы" исеме астында чара, "Туган ил сагында" дип исемләнгән рәсем конкурсы, табигать кочагында күңелле уеннар, ә төшке аштан соң футбол турниры үткәрелде. 

Иртәнге аштан соң балалар белән "Иң акыллы" дигән исем астында викторина үткәрелде. Шулай ук Эзмә авылының иман йорты - мәчетендә булып, имам - хатыйп Илнур хәзрәтнең дә укучыларыбызның күңеленә үтеп керерлек вәгазьләрен игътибар белән тыңладылар. 

Бүген лагерьга йөрүче балалар белән Эзмә ФАП фельдшеры Шәйхетдинова Г.Ш. "Начар һәм куркыныч гадәтләр" дигән темага әңгәмә үткәрде. "Безнең туган як" дигән рәсем конкурсында, флэшмоб, саф һавада уеннарда  да балалар актив катнашты.