Бүген - Россия көне. Шул уңайдан укучылар белән әлеге бәйрәмгә карата төрле чаралар уздырылды. 

Укучыларыбыз инеш буенда экскурсиядә булды, суда куркынычсызлык темасы буенча әңгәмә үткәрелде, сулыкларда яшәүче хайваннар һәм үсемлекләр турында белемнәре ныгытылды. "Тылсымлы пластилин" һәм "Кәгазь - могҗиза" шөгыльләрендә дә укучыларыбыз актив катнашты һәм бик матур эшләнмәләр ясады.

Лагерьда экология атналыгы дәвам итә. Төшке ашка кадәр укучылар "Табигатьне саклыйбыз" темасы астында проект эшләре эшләделәр, шулай ук конфет тышлыкларыннан кул эшләре ясалды. Көнебез Олыяз авылындагы роботлаштырылган сөтчелек комплексына экскурсия белән тәмамланды.

Бүген укучыларыбыз өчен район үзәгенә сәяхәт оештырылды. 

Көнебезнең беренче яртысы  "Чишмә сукмаклары буйлап" дип аталды. Балалар чишмәләргә экскурсиягә бардылар, аларның тирә - ягын җыештырдылар, отрядларда авыл чишмәләренә багышланган проект эшләре эшләделәр. Төшке аштан соң күңелле уеннар оештырылды.

Лагерьда бүгенге көнебез дә файдалы үтте. Төшке ашка кадәр Иләбәр авыл китапханәсендә экскурсиядә  булып, китапханәче Галиева В.Ш. балаларны китапханә, яңа китаплар, балалар өчен нәшер ителүче газета - журналлар  белән таныштырды, Пушкин иҗаты буенча кызыклы викторина үткәрелде, укырга китаплар бирде. Балалар экскурсиядән  бик канәгать калды.Көннең икенче ярысында саф һавада уеннар оештырылды.

"Кырмыска" хезмәт һәм ял лагерена йөрүче укучылар бүген "Нарат" боз сараенда булдылар.

Бүген Рәсәйдә Бөтендөнья әйләнә-тирәдәге мохит  һәм Эколог көне уңаенан, лагерьда күп төрле чаралар үткәрелде: табигатькә экскурсия, викторина, дару үләннәре турында китапчыклар ясауда балалар бик актив булды. 

Отрядларда өстәл уеннары уйнаганнан соң, ГТО фестивале үткәрелде. Иң яхшы нәтиҗәләргә ирешкән балалар билгеләнеп, грамоталар тапшырылды.