Бүген мәктәбебездә Бөтенроссия укучылар олимпиадасының республика этабында катнашачак укучылар белән әзерлек эшләре үткәрелде.

Иртәгә, ягъни 7 нче гыйнвар көнне, Лесхоз бистәсе мәдәният йортында Саба муниципаль районы башлыгы Миңнеханов Рәис Нургали улы катнашында Чыршы бәйрәме үткәреләчәк. Бу чарага районыбыз мәктәпләреннән уку алдынгылары, спортта, иҗатта һәм җәмәгать тормышында иң актив булган укучылар чакырылды. Безнең мәктәбебездән бу бәйрәмгә Шәймуллин Ислам, Әхмәтханова Алинә, Гайфетдинова Диана, Галиева Айзилә, Шакирова Айзилә, Әхмиева Илфизә, Сабирҗанова Алия, Әхмиева Гөлфизә, Галиев Рәнис һәм Гыйлметдинова Илсинәләр барачак. Күңелле яллар сезгә, балалар!

Хоккейчы егетләребез мәктәбебез шугалагын әледән – әле кардан арындырып, тәртиптә тоталар. Һәркөн саен шуучы балаларның шат авазлары, шайба тавышлары саф һавада еракларга яңгырый. Бердәм файдалы хезмәт һәркемнең күңеленә шатлык – куанычлар китерә, җанга – тәнгә сәламәтлек өсти.

Каникул көннәрендә 9,11 нче сыйныф укучылары өчен математика, рус теле, татар теле,  биология һәм физика фәннәреннән консультацияләр үткәрелә.

Таң сызыла. Яңа ел иртәсен

Чулпан йолдыз котлап уята.

Ел башлана, дуслар, алдыбызда

Ап- ак карлы шома юл ята.

Теләгем шул: игелекле булсын

Яңа аяк баскан Яңа ел.

Моң –зар түгел, шатлык алып килсен

Һәр яңа көн бирсен яңа җыр.

Яңа елның һәрбер туар таңы

Күмелсен тик сөенеч - шатлыкка.

Яңа елның яңа матур таңы

Күңелләрне төрсен аклыкка.

Ак бураннар булып бәхет ишек каксын

Чынга ашсын өмет- теләкләр.

Матурлыгын тоеп бар җиһанның

Шатлык белән типсен йөрәкләр!

ЯҢА ЕЛ КОТЛЫ БУЛСЫН!!!

   Иртәнге аштан соң укучылар өчен “Яңа ел сюрпризлары” исеме астында лотерея уены үткәрелде. Укучылар күп бүләкләр оттылар, уеннан бик канәгать калдылар. Ләкин, санаулы көн тиз үтә шул. Балаларның лагерь белән саубуллашасылары килмәсә дә, бүген ябылу тантанасы үткәрелде. “Сау бул, лагерь, очрашканга кадәр!”- дип, балалар өйләренә таралдылар.

29 нчы декабрь көнне мәктәбебездә профсоюз членнары һәм аларның балалары өчен Яңа ел бәйрәме үткәрелде. Бәйрәмдә күп төрле сюрпризлар, Кыш бабай белән Кар кызының котлавы һәм искиткеч концерт номерларын тамаша кылырга мөмкин иде.  

 Ап-ак карларга уралып

 Син киләсен, Яңа ел!

 Ак карлардай ак бәхетле,

 Булсын безнең яңа юл.

 Тынычлык булсын илдә,

 Елмайсын йөзләр гел дә!

 Күк йөзендә кояш безгә,

 Нурларын сипсен гел дә!

 Эшләребез уң булсын,

 Тик шатлыклы минутлардан

 Безнең гомерләр торсын!

 Яңа ел котлы булсын!

P.S. Бәйрәмне оештырган профсоюз комитеты рәисе Шакирова Марсилә Мәҗит кызына зур рәхмәтебезне белдерәбез!

Бүгенге көн күңелле вакыйгаларга бик бай булды. Иртәнге аштан соң укучыларыбыз район үзәгенә экскурсиягә кузгалдылар. Анда кар шәһәрчекләрендәге гаҗәеп сыннарга сокланып, боз тауларыннан шуып, рәхәтләнеп уйнадылар. Кайтканнан соң, “Күңелле стартлар” уены үткәрелде.