“Без тиз арада балалар бакчаларына йөрүчеләргә  татар  һәм рус телләрен уңайлы һәм нәтиҗәле итеп өйрәнү өчен тиешле шартлар тудырырга бурычлы. Телләр үзләштерү  байлык! Республикабызның киләчәге булган балаларның  дәүләт телләрен  үзләштерү процессына мәктәпкәчә яшьтә үк старт бирү - мәктәп, югары уку йортларында белем алу этабы өчен яхшы фундамент әзерләү ул”, - диде И.Халиков. Балаларның тәкъдим ителгән укыту-методик комплектлары нигезендә шөгыльләнүләрен, беренче чиратта,  мавыктыргыч һәм югары дәрәҗәдә профессиональ итеп оештыру зарурлыгын кабат-кабат ассызыклады. Безнең балалар бакчасында тәрбия –белем бирү эшчәнлеге балалар бакчасының “Белем бирү программасы” нигезендә алып барыла. Программа “Истоки” һәм “Төбәкнең мәктәпкәчә белем бирү программасы” (“Региональная программа”) га нигезләнеп төзелгән. Яңа уку методик комплектлары буенча белем бирү эшчәнлеге   һәм режим моментларындагы  эшчәнлекләр  үткәрелә.

Тәрбиячеләр түбәндәге методик кулланмалар, эш дәфтәрләре һәм таратма, күрсәтмә материаллардан файдаланалар:

Шаехова Р.К. эш дәфтәренә методик кулланмасы, эш дәфтәре "Мәктәпкәчә яшьтәгеләр әлифбасы.Авазларны уйнатып " К.В.Закирова «Балачак аланы», "На поляне детства» хрестоматияләре.Зарипова театральләшкән уен ситуацияләре өчен күрсәтмә-таратма материаллар.Зарипова З.М. “Туган телдә сөйләшәбез” 

 Белем бирү эшчәнлекләре  очен  предмет-үсеш тирәлеге булдырылды, УМК буенча күрсәтмә, таратма  материаллар туплаганды.Барлык төркемдәдә ТР мәгариф һәм фән министрлыгы тарафыннан бирелгән яңа укыту-методик комплектлары, рәсемнәр тема буенча кисеп, ябыштырып куелды. “Авазларны уйнатып” эш  дәфтәрләрендә эш системалы алып барыла. Балаларны авазлар, сүз, җөмлә төзелешләре,хәрефләр  белән таныштырабыз. Картиналар буенча тулы җөмләләр белән, тасфирлап сөйләргә өйрәтәбез. Ә бу көннәрдә туган телгә өйрәтү торышы буенча уртанчылар төркемендә тематик күзәтүләр үткәрелә. Тәрбиячеләр Ганиева Фәния Фаттаховна һәм Ханова Гөлназ Ришатовна  белем бирү эшчәнлеген һәм көндәлек режимны ФДБС таләпләре буенча оештыралар, балаларга тәрбия - белем бирүне проектлар, уеннар, проблемалы ситуацияләр һәм башка методик алымнар кулланып, презентацияләр күрсәтеп  үткәрәләр.

II халыкара иҗади эшләр  конкурсында катнашып, “Кыңгырау” балалар бакчасы коллективы педагоглары Халитова Флюзия Рафаиловна, Галимуллина Алсу Ринатовна, Ханова Гөлназ Ришатовна, Ганиева Фәния Фаттаховналар  “Кечкенә дусларым”  эшләре өчен рәхмәт хаты белән бүләкләнделәр. Аларны уңышлары белән котлыйбыз, алга таба да актив булуларын телибез.

Сәламәт яшәү рәвешен кече яшьтән балаларга төшендерү, теләк уяту максатыннан тәрбиячеләр балаларга сәламәт булыр өчен дөрес тукланырга, чисталыкны даими сакларга, вакытында йокларга, хәрәкәт активлыгын үстерергә,физкультура,спорт белән шөгыльләнергә, саф һавада булырга кирәклеген аңлаталар. Кыш көне чаңгыда йөрү  организм өчен бик файдалы булганлыктан  һәр көн чаңгы шуарга чыгабыз.

Чанада да шуабыз,

Чаңгыда да шуабыз.

Тимераякта очабыз,

Чыжлап тора шома боз.

Тауларга да барабыз,

Кырларга да чыгабыз.

Кар-буран дип тормыйбыз,

Шуабыз да шуабыз.

Безнең балалар саф һавада булырга бик яраталар. Алар белән тәрбияче апалары төрле- төрле хәрәкәтле уеннар оештыралар. Бу атнада алар татар халык уеннары өйрәнәләр, уйныйлар. Бигрәк тә "Мәликә", "Түбәтәй", "Чума үрдәк, чума каз" һ.б. бик яратып уйныйлар. 

Ява карлар, яңа карлар –

Кышның ак гөлләре.

Якты булсын, ап-ак булсын

Илемнең көннәре.

Ишетелеп торсын җирдә

Балалар көлгәне.

13 январьдан- 17 январьга кадәр “Игътибар, җәяүле” атналыгы үткәрелә. 

            Безнең «Кыңгырау» балалар бакчасында да бу юнәлештә эзлекле, даими эш алып барыла. Балаларны юл йөру куркынычсызлыгы кагыйдәләренә өйрәту программасына нигезләнеп, куркынычсыз хәрәкәт кагыйдәләрен өйрәту буенча эшне  төрле ысуллар кулланып алып барабыз.

            Беренчесе - тирә-юньне күзәтеп, күрә белеп төрле юл очраклары белән танышу, предметлар, күренешләр, хәрәкәтләрне атау, анализлау, нәтижәләр ясау.

            Икенче ысулы - чынбарлыкны әти- әниләрнең, тәрбиячеләрнең сөйләме, әдәби әсәрләр уку, телетапшырулар карау, хәрәкәтле уеннар уйнау, торле уенчыклар, картина - рәсемнәр, иллюстрацияләр, атрибутлар карау. Күпчелек эш уен формасында алып барыла. Бу очракта балалар теорияне яхшырак үзләштерәләр һәм истә калдыралар

  Атналык дәвамында тәрбиячеләр өчен “Юл йөрү кагыйдәләренә өйрәтү планын  ФГОС буенча язу тәртибе“ темасына мастер- класс үткәрелде.

Урамда балалар белән җәяүле юлы буенча сәяхәтләр үткәрелә. 

Аттестация нәтиҗәләре буенча бакчабызның музыка җитәкчесе Галимуллина Алсу Ринатовна югары квалификацион категориягә лаек булды. Аны уңышы белән котлыйбыз, алга таба иҗади уңышлар телибез.

Аттестация нәтиҗәләре буенча бакчабызның тәрбиячесе Ханова Гөлназ Ришатовна  I квалификацион категориягә лаек булды. Аны уңышы белән котлыйбыз, алга таба иҗади уңышлар телибез.

Кыш бабайлар парадында  район буенча без икенче!

Кыш бабайлар парадына  безнең  коллектив матур карнавал костюмнары киеп чыкты. Район буенча җәяүле Кыш бабайлар арасында безнең коллектив икенче урын бирелде.  Район администрациясе бүләге тапшырылды.

Яңа еллар барыбызга да яңа уңышлар, бәхет, шатлыклар алып килсен!