Муниципальное бюджетное дошкольное образовательное учреждение «Сабинский детский сад общеразвивающего вида № 4 «Кынгырау» п.г.т. Богатые Сабы Сабинского муниципального района Республики Татарстан»
Визитная карточка
Адрес: | 422060, Республика Татарстан, Сабинский район, пгт. Богатые Сабы, ул. Г.Закирова, д.54 |
Телефон: | +7(843)-622-45-85;+7(917)-893-99-06 |
E-Mail: | dsad4@yandex.ru |
Министерство: | Министерство образования и науки Республики Татарстан |
Короткое название: | МБДОУ Сабинский детский сад №4 "Кынгырау" |
Руководитель: | Файзрахманова Рузалия Фариховна |
Год основания учреждения: | 1990 |
У нас учатся: | 119 |
У нас учат: | 14 |
Муниципальное бюджетное дошкольное образовательное учреждение «Сабинский детский сад общеразвивающего вида № 4 «Кынгырау» п.г.т. Богатые Сабы Сабинского муниципального района Республики Татарстан» - новости
Страницы: << 201 202 203 ( 204 ) 205 206 207 208 209 210 >>
-
Бәйрәм белән, әтиләр! 20.02.2014Кадерле әтиләребез!Сез барыгыз да армия сафларында хезмәт итеп , туган авылыгызга исән килеш әйләнеп кайтып, әти-әниләрегезне хөрмәтләп, балаларыгызны тәрбияләп яшисез. Сезгә озын гомер, нык сәламәтлек, бәхеттә, шатлыкта яшәвегезне телибез.Илләребездә иминлек, тормышыбызда тынычлык булсын иде!
Җыелдык бөтенбез дәБезнең матур залга,
Бабайларның, әтиләрнең,
Абыйларның, малайларның,
Зур бәйрәме булганга!
Бабай да солдат булган,
Әти дә солдат булган,
Абый да армияга киткәч
Ил чикләрендә торган!
Мин кечкенә түгел:
Тиздән дүрт яшь тула!
Минем кебек малайларда
Үскәч солдат була !
-
И туан тел! 20.02.2014
21 февраль – Халыкара туган тел көне. Бүген бакчабызда “И тугантел, и матур тел!” бәйрәме үткәрдек. Кичә “Әллүки” җыры белән башланып китте һәм туган тел турында шигырь, җырлар белән үрелеп барды, балаларга туган телне яратырга, онытмаска, бозып сөйләшмәскә кирәклеге аңлатылды. Туган тел! Һәркем өчен дә газиз бу сүз. Чөнки иң кадерле, бернәрсә белән дә алыштырылмый торган “әни”, “әти”, “әби”, “бабай” сүзләрен башлап туган телдә әйтәбез. Туган үскән ил-җирнең якынлыгын, Ватанның газизлеген без әүвәл туган тел ярдәмендә тойганбыз. Шагыйрьләребезнең матур – матур шигырьләрен ятлап. әле дә куанабыз, рухланабыз. Бүгенге бәйрәмебезне дә без Габдулла Тукай сүзләренә язылган җыр белән тәмамладык.
Дөньяда иң-иң матур ил-
Ул минем туган илем.
Дөньяда иң-иң матур тел-
Ул минем туган телем.
“Балам”,-диеп туган телдә
Эндәшә миңа әткәм.
“Әнкәем”, -дип әниемә
Мин туган телдә дәшәм.
-
Муса Җәлил иҗатына багышланган иҗат кичәсе 14.02.2014
Карлы-буранлы кыш азагында, безнең яраткан шагыйребез Муса Җәлил туган. Ул 1906 нче елның 15 нче февралендә элекке Оренбург губернасы Мостафа авылында туа. Кечкенә Муса сәләтле, тырыш була. Укырга да тиз өйрәнә.М. Җәлил балалар өчен кызыклы шигырьләр яза. Кайбер шигырьләренә көй языла. Ул балаларны укырга, эшне яратырга, табигатьне сакларга өйрәтә. М.Җәлил дигәндә - татар халкын, ә татар халкы дигәндә, М.Җәлилне күз алдына китерәләр. Аның шәхесен һәм батырлыгын бөтен дөнья белә. Димәк, ул – чын мәгънәсендә халкыбызның бөек шәхесе, горурлыгы. Без бүген Муса Җәлилнең туган көне уңаеннан “Муса Җәлил- халык улы”кичәсе үткәрдек. Балалар аның җырларын, шигырьләрен матур итеп башкардылар.
Әйтче, Муса, шундый батырлыкны
Кай җиреңдә саклап йөреттең?
Кемнән алдың мондый горурлыкны?
Нинди ялкыннарда чыныктың?
Җиңәр өчен шундый дошманнарны
Корычтан булгандыр беләгең.
Сөйләр өчен палач битенә төкереп
Куш булгандыр синең йөрәгең.
Арабыздан үзе югалса да,
Юк суытмас һични бу эзне.
Көрәштәге Муса, солдат Муса,
Йөрәктәге Муса ул безнең.
-
МУСА ҖӘЛИЛ- ХАЛЫК УЛЫ. 13.02.2014
15 февраль-татар халкының бөек улы, герой-шагыйрь Муса Җәлилнең туган көне. Җәлил батырлыгы һәм иҗаты тарихка үлемсез җырлары белән теркәлгән. Февраль аенда бакчабызда Җәлилгэ һәм җәлилчеләрнең якты истәлегенә багышланган чаралар оештырыла, бүген шагыйрьнең тормыш юлы һәм иҗатына багышланган викторина һәм шигырь сөйләүчеләр конкурсы уткәрелде. Балалар аның әсәрләре буенча рәсемнәр ясадылар. Иҗатына багышланган презентацияләр карадылар.
Каның белән язган шигырьләрең
Тетрәп укый сине бөтен җир,
Буыннардан – буыннарга килер
Мәңге үлмәс, Муса, синең җыр!
-
Сәламәт яшәү рәвеше. 12.02.2014
Бу көннәрдә бакчабызда “Сәламәт яшәү рәвеше” исеме астында төрле чаралар үткәрелде. Балаларга төрле эшчәнлектә балаларда үз сәламәтлекләренә карата игътибарлылык, сак караш тәрбияләү, физик культура, спорт белән шөгыльләнергә кирәклеге буенча өңгәмәләр, күңел ачу, ярышлар оештырылды. Балалар белән очрашуга теннис буенча тренер Фархуд Усманович килде. Ул алар белән бик матур әҗгәмә корды. Соңыннан балалар белән спорт ярышы үткәрелде. Әле алда тагы да очрашулар дәвам итәчәк.
-
Гаиләләр арасында күргәзмә. 12.02.2014
Россия күләмендә үтүче "Сәламәт балалар - сәламәт гаиләдә" акциясендә актив катнашып, “Сәламәт яшәү рәвеше” темасына гаиләләр белән төрле формада сәламәт яшәү рәвешен чагылдыручы күргәзмә оештырдык. Алар арасында Гиззатуллин Зөлфәт һәм Тазиева Ясминәләрнең презентацияләре, Гафурова Мәрьямның кул эше, Зунунов Салихның плакаты аеруча эчтәлекле, игътибарга лаеклы дип табылды. Барлык катнашучы гаиләләргә рәхмәтебезне җиткерәбез.
-
Чаңгы ярышы - 2014. 10.02.2014
Якшәмбе көнне бөтен Россия буйлап үткәрелгән "Лыжня - 2014" ярышларында "Кыңгырау" балалар бакчасыннан зурлар һәм мәктәпкә әзерлек төркеме балалары катнашты. Балалар 3 төркемгә бүленеп чаптылар. 200 метр ераклыктагы арада беренче төркемдә безнең бакчадан Гарипов Раниль, ә икенче төркемдә Валиева Язгөл беренче килделәр. Һәр катнашучы балага истәлекле бүләкләр тапшырдылар. Бу ярышта катнашкан һәр гаиләгә, балаларга зур рәхмәтебезне җиткерәбез, алга таба да уңышлар телибез!
Ике туган- ике дус
Спорт белән без бик дус.
Тимераяк, чаңгы шуып,
Яшик алга омтылып!
“Спортчы булырсыз,-ди-
Апабыз безне мактап,
Олимпиадага барырсыз
Илебез данын яклап”.
-
Конкурс нәтиҗәсе. 09.02.2014
Зурлар төркемендә тәрбияләнүче Ханов Ринас “Мәктәпкәчә яшьтәгеләрнең эзләнү- тәҗрибә проект эше” Бөтенроссия “”Радуга открытий” конкурсында “Су белән эксперименталь- тәҗрибә эшчәнлеге ” проекты белән катнашты. Аның бу тәҗрибә- проект эшен шулай ук жюри югары бәяләгән һәм Ринас берьюлы ике бүләккә- катнашканлыкка сетификат, җиңүче Дипломына лаек булды. Яшь буынны проект эшчәнлегенә өйрәткәне өчен тәрбиячеләр Ханова Г.Р ., балаларны һәм педагогларны оештырганы өчен бакча мөдире Мубаракшина А.М. һәм өлкән тәрбиячесе Халитова Ф.Р. гга Рәхмәт хатлары килде. Ринасны уңышы белән котлыйбыз. Ул инде берничә конкурста катнашып урыннар яулады. Алга таба да актив бул, кызыксынучанлыгың һәм талантың артсын дигән теләктә калабыз.
-
Конкурсантыбыз. 09.02.2014
Мәктәпкә әзерлек төркемендә тәрбияләнүче Гиззатуллин Зөлфәт “Мәктәпкәчә яшьтәгеләрнең эзләнү- тәҗрибә проект эше” Бөтенроссия “”Радуга открытий” конкурсында “Табигатьтә су” проекты белән катнашты. Аның бу тәҗрибә- проект эшен жюри югары бәяләгән һәм Зөлфәт берьюлы ике бүләккә- катнашканлыкка сетификат, җиңүче Дипломына лаек булды. Яшь буынны проект эшчәнлегенә өйрәткәне өчен тәрбиячеләр Ханипова Л.А. һәм Солтанова М.Р. , балаларны һәм педагогларны оештырганы өчен бакча мөдире Мубаракшина А.М. га Рәхмәт хатлары килде. Зөлфәтне тәүге тәҗрибә- проектының уңышка ирешүе белән котлыйбыз һәм алга таба да бу җиңүе яңа ачышлар ясарга этәргеч булсын дигән теләктә калабыз.
-
Олимпиадага бездән кайнар сәлам. 08.02.2014
Балалар бүген иртәдән үзләренең физик тәрбия эшчәнлеген шул девиз астында башладылар. Иртәнге гимнастика февраль ае буе ай ритмик музыка астында күңелле күнегүләр, аэробик күнегүләр ясау белән оештырыла. Инде Олимпиада көненә барлык төркемнәр дә комплексларны өйрәнеп беттеләр һәм “Олимпиадага бездән сәлам” спорт- күңел ачу чарасында да башкардылар. Шулай ук кичәдә төрле спорт ярышлары, уеннар уйнадылар, Сочи, андагы ярыш төрләре турында презентацияләр карадылар. Әти- әниләргә балаларны спортка тарту, сәламәт яшәү рәвеше турында папка – ширмалар ясап куелды. Педагогическая копилка бүлегенә физик тәрбия- сәламәтлекне саклау буенча бакчабызның эш тәҗрибәсе буенча ясалган презентация куелды.