Халкыбызның гореф-гадәтләрен, буыннан-буынга истәлек булып калган йолаларны хәтерләрендә калдыру, җыр-биюләр һәм уеннар аша балаларны татар халкының үткәне белән таныштыру максатыннан зурлар төркемендә “Әбиемнең серле сандыгы” дип исемләнгән  шигъри йомгаклау чарасы  үтте. Балалар “Яулык салыш” , “Капкалы”, ”Түбәтәй “ уеннарын  күңелле итеп уйнадылар. Әбиебезнең сандыгы чыннан да серле икән бит! Аны ачкан саен балалар үзләре өчен бик күп яңалык белә алдылар Өлкәннәргә карата хөрмәт тәрбияләү, халкыбызның тарихына кызыксыну уяту, җырлы-биюле уеннарына мәхәббәт тәрбияләү, гореф-гадәтләребезне, милли йолаларыбызны, мәкаль –әйтемнәребезне кабат искә төшерү  балалар өчен тәрбияви яктан бик әһәмиятле булды (Тәрбияче: Солтанова Г.Г) 

Дети средней группы на занятии русского языка сами строили новую мебель героям сказки "Три медведя" - столы, стулья, диваны и кровати.

Грамотага өйрәнү һәм сөйләм үстерү буенча белем бирүне тормышка ашыруда зурлар төркемендә балаларны грамоталык нигезләрен үзләштерү эшенә актив әзерләү алып барыла. Максатчан рәвештә балаларны тәкъдим ителгән һәр сүзгә аваз анализы ясарга: сузык авазларны, калын һәм нечкә әйтелешле тартык авазларны аера белергә, авазлар рәтендә ориентлашырга, бирелгән модельләргә туры китереп сүзләр сайларга өйрәтү күздә тотыла. “С”авазын интонация белән аерып алынган авазның үзен генә әйтү буенча “тишек  шар”уены оештырылды. (Тәрбияче: Солтанова Г.Г).

Бүген икенче кечкенәләр төркеме балалары янына кунак булып Айсылу һәм Марат килделәр. Алар үзләренең татар кызы, татар малае икәнлекләре әйтеп, татар халкының милли киемнәре белән таныштырдылар. ( Тәрбияче Шарипова Ф.М).

Икенче кечкенәләр төркеме балалары саф һавада.

Балаларда татар халкының җырлы-биюле уеннарына, авыз иҗатына мәхәббәт уяту, халкыбызның рухи байлыгына ихтирам, горурлык хисләре тәрбияләү, балаларның зәвыгын үстерү максатыннан "Әбиемнең серле сандыгы" атналыгы кысаларында балалар белән музыкаль кичә оештырылды (тәрбияче Шакирова Э.А.). Кичәдә уртанчылар, зурлар һәм мәктәпкә хәзерлек төркемнәрендә тәрбияләнүче балалар катнашты.                                                                     Әбиемнең серле сандыгы!

Нинди серләр саклый икән ул?...

Әбиемнең серле сандыгы

Кызыктыра инде күптәннән.

Ач, әбием, безгә күңелеңне,

Яшь буынга мирас булып калсын,

Бер хәзинә калсын үткәннән.

Түбәтәеңне кигәнсең, ераклардан килгәнсең

Төскә матурлыгың белән шаккатырыйм, дигәнсең.

Түп-түп-түбәтәй, түбәтәең укалы

Чиккән матур түбәтәең менә кемдә тукталды.

Мәктәпкә хәзерлек төркеме балалары  "Түбәтәй" татар халык уенын уртанчылар һәм зурлар төркеме балаларына уйнап күрсәттеләр.

В царство английского языка дети старшей группы смогут попасть только по цветным следам, если они назовут правильно все цвета.

Цель занятие: Обогащать музыкальные впечатления детей, в игровой форме подводить их к выразительному исполнению движений и песен.

 Балада хезмәткә мәхәббәтне бик кечкенә чактан ук тәрбияли башларга кирәк. Аңа «хезмәт сөючәнлек» дигән төшенчәгә кергән барлык сыйфатларны да бары тик гаилә генә бирә ала. Ул бөтенләй кечкенә чакта ук без аның кем, нинди булып үсүе өчен борчыла башлыйбыз. Балага бирелгән тәрбия тулысы белән өлкәннәрнең, ата-аналарның, тәрбиячеләрнең һәм җәмәгатьчелекнең җаваплылыгында. Зурлар төркемендә балаларыбыз бүгенге хезмәт күнекмәләрен өлкәннәр ярдәме белән башкару аша үзләрен хезмәт сөючән булышчылар итеп күрсәтә алдылар. Хезмәткә әзерлек кешенең хезмәт сыйфатларын тәрбияләү ул.                                                                                                                                                                       (Тәрбияче: Солтанова Г.Г)