муниципальное бюджетное дошкольное образовательное учреждение «Сабинский детский сад общеразвивающего вида №1 «Шатлык» п.г.т. Богатые Сабы Сабинского муниципального района Республики Татарстан»
Визитная карточка
Адрес: | 422060, Республика Татарстан, Сабинский район, пгт. Богатые Сабы, ул. Школьная 39 А, |
Телефон: | 8 (84362) 2-32-43 |
E-Mail: | DdShat.Sab@tatar.ru; saba1shatlik@yandex.ru |
Министерство: | Министерство образования и науки Республики Татарстан |
Короткое название: | МБДОУ Сабинский детский сад №1 "Шатлык" |
Руководитель: | Зарипова Рушания Гилемхановна |
Год основания учреждения: | 1932 |
У нас учатся: | воспитанники - 122 |
У нас учат: | педагоги - 12 |
муниципальное бюджетное дошкольное образовательное учреждение «Сабинский детский сад общеразвивающего вида №1 «Шатлык» п.г.т. Богатые Сабы Сабинского муниципального района Республики Татарстан» - новости
Страницы: << 191 192 193 194 195 ( 196 ) 197
-
Без яңа елны каршы алырга әзер! 19.12.2012
Әй, Яңа ел, киләм дисең,
Килсәң, килче тизрәк.
Суык бабай сине көтеп,
Күптән төшерде бизәк.Бизәкләрне кар сыннарына безнең "Шатлык" балалар бакчасы коллективы да төшереп яңа елны каршылауга әзерләнеп бетте дисәк тә була. Капкабыз янында татар милли киемнәрдән сылу кызыбыз белән батыр егетебез килгән кунакларны ипи-тоз белән каршы ала. Алар 2013 елда Казанга универсиадага, 2014 елда Сочига олимпиадага киләсе кунакларын бүген үк кабул итәргә әзер. Ә бакчабыз биләмәсендә төрле әкият геройлары спорт ярышлары белән бик тырышып шөгылләнүләрен күрсәтеп торалар. Балалар күреп сөенсен, яңа ел рухы кешеләрнең күңелләренә өмет, яктылык биреп торсын өчен коллектив тырышып, бик теләп кар сыннарын әвәләделәр. Киләсе Елан елы барыбызга да куаныч - шатлыклар алып килсен дигән теләктә калабыз!
-
Безнең хокукларыбыз 18.12.2012
"Мин - бала, мин – кеше" темасы астында бакчабызда "Безнең хокукларыбыз" атналыгы үтеп бара.
Бу атналык иң элек Бала хокуклары турындагы конвенциясе белән таныштырудан башланды. Төрле курсәтмә рәсемнәр, махсус мультфильмнар ярдәмендә педагогларыбыз балаларга бала хокуклары, алар белән ничек тормышта кулланырга һәм файдаланырга кирәклеге хакында аңлаттылар. Әлеге тема балаларга бик кызыклы. Алар үзләренең хокуклары булу хакында бик зурлап фикер алыштылар. Кечкенә шәхесләребез фикерләрен иҗади эшчәнлектә төрле ситуатив мизгелләрне рәсемгә төшерергә тырыштылар.
-
"Китап киңәшчең синең" атналыгы 14.12.2012
Китап — иң акыллы киңәшчеләрнең берсе. Китап һәр кешегә хезмәттә булыша, ул кешеләрне бәладән коткара, тормышны танып белергә өйрәтә. Китап кешегә үсәргә һәм халыкның аңын баетырга мөмкинлек бирә. «Китап кешене галәмнең хуҗасы итә», — ди П.А. Павленко.
Бала чакта китап укудан да күңелле нәрсә юктыр. Бигрәк тә ул китапта сиңа таныш хәлләр турында язылган булса, аны кат-кат укыйсы, алар турында иптәшләреңә сөйлисе, шигырьләрен күңелдән ятлыйсы килә. Андый китаплар — безне бала чактан зур тормышка озатып калучы, гомер буе хәтердә яңарып торучы иң якын дусларыбыз, һәр кеше китапны үзенең иң якын дусты итеп күрә. Китап — канатлы ул! -
Яңа программа "Истоки" 12.12.2012
Декабрь аенда "Шатлык" балалар бакчасының өлкән тәрбияче Нурисламова М.Ф. “Истоки” программасы авторлары оештырган укуда булып кайтты. Бу программаларга нигезләнеп балалар бакчасының "Белем бирү" программасы төзелә. Программа төзү өчен иҗади төркем утырышлары даими оештырылып килә.
-
Бездә юбилейлар! 10.12.2012
Әлеге атна юбилейларга бик бай булды. Алда әйткәнебезчә 2нче һәм 5 нче декабрь көннәрендә тәрбияче Галимова Гөлсәрия Хадимулла кызы, кече тәрбияче Вәлиева Сания Нотфулла кызы үзләренең зур юбилейларын билгеләп үттеләр. Аларны тәбрикләргә олы бүләкләр белән Саба мәгариф бүлеге профсоюз комитеты рәисе Гузялова Гөлнәзирә Мөдәрисовна һәм мәгариф бүлегенең әйдәп баручы белгече Димухаммәтова Айгөл Шахинуровна килделәр. Юбилей уңаеннан тәбрикләү тантансында бакчабыз мөдире Исрафилова Миләүшә Курбангалеевна иң изге теләкләрен җиткереп матур хезмәтләре өчен олы рәхмәтләрен җиткерде. "Шатлык" балалар коллетивы ихлас теләкләрен матур җырларга төреп бирделәр. Бу көнне юбилярлар чәчәк бәйләмнәренә, истәлекле бүләкләргә күмелделәр.
-
Яратабыз сине Кышкай! 10.12.2012
Кыш килә.
Очып-очып куна ап-ак карлар,
Җир өстенә юрган ябалар.
Кыш җитүне түземсезлек белән
Көтеп ала барча балалар.
Чана-чаңгы бар да хәрәкәттә
Бар балалар тауга чабалар.
Шат авазлар җирне яңгырата,
Ә өлкәннәр кызыгып калалар. -
"Ак ефәктәй кыш килде" 07.12.2012
Менә “Ак ефәктәй кыш килде” атналыгы тәмамланды. Балалар кышны сагынып көтеп алганнары сизелә. Урамга чыгу белән бик теләп кышкы уеннарда катнашалар. Табигатьне игътибар белән күзәтәләр.
Атна дәвамында кар бөртекләре, аның җиргә төшүен, эрүен бик кызыксынып өйрәнделәр. Үзләре тотып карагангамы, балалар иҗади сәнгать эшчәнлегендә бирелеп кар бөртекләрен рәсемгә төшерделәр, пластелиннан әвәләделәр, аппликация ясадылар, тәрәзәгә куярга төрле бизәкле кар бөртекләре кистеләр. Зурлар төркеме балалары кар белән ясаган тәҗрибәләрне бик кызыксынып ясадылар.
Балалар бакчасында "Яңа елны каршылау" бәйрәменә дә әзерлек башланып китте. Һәр төркем балалары чыршыга һәм Кыш бабайга багышланган шигырьләр өйрәнәләр, музыка җитәкчесе Дилбәр Фатих кызы Мустафина белән җырлар, биюләр кабатлыйлар,
-
Безнең юбилярлар! 04.12.2012
Шушы матур кышкы көннәрдә хезмәттәшләребез тәрбияче Галимова Гульсария Хадимулла кызы һәм 30 елга якын кече тәрбияче булып эшләгән Валиева Сания Нотфулла кызы үзләренең олы юбилейларын билгеләп үтәләр.Без аларны ихлас күңелебездән бу матур гомер бәйрәмнәре белән тәбрик итәбез! Эшләрегездә уңышлар юлдаш булсын, гаилә бәхете ташып торсын, балалар куанычын күреп, тормыш иптәшләрегез белән тигезлектә, муллыкта, күңел тынычлыгы белән, хэсрәт күрмичә яшәргә язсын. Матур хезмәтегез өчен олы рәхмәт Сезгә!
Туар һәркөн ишеттерсен Сезгә
Яхшы хәбәрләр генә.
Яныгызда булсын һәрвакытя
Үзегез кебекләр генә.
Эшкә мәхәббәтегез сокландыра,
Тырыш, максатчан үзегез.
Ял итергә дә онытмагыз,
Бер дә сулмасын йөзегез.
Гаилә бәхетенә куанып,
Тату яшәргә язсын.
Теләгегез мөмкинлек белән
Бергә үрелеп барсын!Байлар Сабасының №1 "Шатлык" балалар бакчасы коллективы
-
"Урман - безнең зур байлык!"атналыгы тәмам 03.12.2012
-
Сагынып көтеп алдык сине, Кышкай! 30.11.2012
Кышкы саф иртәләрдә
Яуганда энҗе карлар,
Актан шәл ябыналар
Урмандагы агачлар.
Агачлар әллә кайчан инде алтын яфракларын койды, авыр соры болытларга төренгән күк йөзе салкын һава белән табигатьне каплап алган, җәнлекләргә тизрәк ояларына кереп качарга куша кебек, ә кошларны көн дә җылы якка озата. Кайчан яңгырлары белән сибәләп елап та ала, кайчан тынып кала.Моңсулыкны ап-ак карлары белән, салкын бураннары белән күңелле кыш алыштыра .Яшәеш яңа сулыш ала.