муниципальное бюджетное дошкольное образовательное учреждение «Сабинский детский сад общеразвивающего вида №1 «Шатлык» п.г.т. Богатые Сабы Сабинского муниципального района Республики Татарстан»
Визитная карточка
| Адрес: | 422060, Республика Татарстан, Сабинский район, пгт. Богатые Сабы, ул. Школьная 39 А, |
| Телефон: | 8 (84362) 2-32-43 |
| E-Mail: | Shatlyk1.Saba@tatar.ru |
| Министерство: | Министерство образования и науки Республики Татарстан |
| Короткое название: | МБДОУ Сабинский детский сад №1 "Шатлык" |
| Руководитель: | Зарипова Рушания Гилемхановна |
| Год основания учреждения: | 1932 |
| У нас учатся: | воспитанники - 112 |
| У нас учат: | педагоги - 11 |
муниципальное бюджетное дошкольное образовательное учреждение «Сабинский детский сад общеразвивающего вида №1 «Шатлык» п.г.т. Богатые Сабы Сабинского муниципального района Республики Татарстан» - новости
Страницы: << 151 152 153 154 ( 155 ) 156 157 158 159 160 >>
-
Әтием белән көчле мин! 21.02.2016
Бүген бакчабызда балалар һәм әтиләр арасындагы элемтәне ныгыту, балаларның хәрәкәт активлыкларын арттыру, әтиләр үрнәгендә сәламәт яшәү рәвешен формалаштыру, балалар бакчасы белән гаилә хезмәттәшлеген ныгыту максатыннан мәктәпкә әзерлек төркеме балалары тәрбияче Хөснулина Гүзәл Габдулхаевна, музыка җитәкчеләре Аухадиева Нурания Әюповна, Валиева Диләрә Ильдусовна белән берлектә "Кышкы уеннар" исеме астында ярыш үткәрделәр. Ярыш балаларның маршка атлап җырлаулары, шигьри юллар аша әтиләрне Ватанны саклаучылар көне уңаенан котлау белән башланды. Әтиләр һәм балалар ике командага бүленеп җитезлектә, өлгерлектә ярыштылар, бер-берсе өчен көч биреп, җан атып тордылар. Ярышлар җиңүчеләрне бүләкләү, бергә җыелып истәлекле фотога төшү белән тәмамланды.
-
23 февраль - Ватанны Саклаучылар көне 19.02.2016 "Батырлыкта - матурлык" атналыгы барышында балаларның Ватанны саклаучылар турындагы күзаллауларын киңәйтү; җирне, күкне, диңгезне саклаучылар турында белем бирү, аларның мөһимлеген аңлату;балаларда кыю, батыр солдат булу теләге уяту; әтиләре, абыйлары белән горурлану хисе тәрбияләү;илебезнең тынычлыгын саклаучы солдатларга карата патриотик хисләр, Ватанны саклау теләге тәрбияләү буенча күп кырлы эш алып барылды. "Ил сакчылары" темасына презентация күрсәтелде, "Батырлар" темасына әңгәмәләр үткәрелде. Хәрбиләрнең Бөек Ватан сугышында һәм бүгенге көндә илне саклау, үз халкын, үз җирен яклауда куелган батырлыклары белән таныштырылды. Йомгаклау чаралары итеп һәр төркемдә бәйрәм кичәләре үткәрелде. Зурлар төркеме балалары тәрбияче Ахметсафина Ләйсән Миннехаҗиевна, музыка җитәкчеләре Валиева Диләрә Ильдусовна, Аухадиева Нурания Аюповна белән берлектә "23 февраль - Ватанны Саклаучылар көне" исеме астында бәйрәм кичәсе әзерләделәнде. Балалар бердәм тезелеп маршка атлап йөрүнең төрле алымнарын күрсәттеләр. Бәйрәм әтиләрнең "Төз ату", "Йөк ташу", "Югалып калма" уеннары, җыр, бию, шигырләр белән үрелеп барды. Һәр әтигә балаларның үз куллары белән, күңел җылысын биреп эшләгән бүләкләр тапшырылды.
-
Әтием горурлыгым 18.02.2016
Тынычлык булсын өчен,
Кояш гел көлеп торсын өчен,
Һәрчак әтиләр кирәк.
Әтиләр илгә - терәк.
Бүген уртанчылар төркеме балалары тәрбияче Фасхиева Гөлгенә Тәлгатовна, музыка җитәкчеләре Валиева Диләрә Ильдусовна, Аухадиева Нурания Әюповна белән берлектә "Әтием горурлыгым" исеме астында 23 февраль - Ватанны саклаучылар көненә карата бәйрәм кичәсе үткәрделәр. Армия тематикасына кагылышлы сораулар ярдәмендә төзелгән башваткычны чишәргә Хәйбриев Раиль, Фатихов Нияз, Тимергалиев Альберт сайланды. Күпчелек сорауга дөрес җавап биреп Фатихов Нияз суперуенга чыкты һәм татар халкының "Матурлык бер көнлек, батырлык гөмерлек" мәкален чишеп суперпризны отты. Уенда катнашучы әтиләрне, килгән кунакларны мөдир Исрафилова Миләүшә Корбангалиевна бәйрәм белән котлады, матур теләкләрен җиткерде. Балалар әтиләргә карата шигырьләр, җырлар, биюләр башкардылар, бәйрәм ахырында әтиләргә багышлап ясаган бүләкләрен тапшырдылар.
-
"Ел тәрбиячесе - 2016" 16.02.2016
Бүген Саба 3 нче "Шоколад" балалар бакчасында "Ел тәрбиячесе - 2016" конкурсы кысаларында "Ачык эшчәнлек" дип аталган бәйге үз эшен дәвам итте. Безнең "Шатлык" балалар бакчасыннан Хуснулина Гүзәл Габдулхаевна "Ямьле кыш" темасына интегральләшкән белем бирү эшчәнлеген тәкъдим итте. Рәсемләүдә Батик техникасын кулланып эшләү алымы белән балаларны таныштырды.
-
"Чаңгы ярышы - 2016" 14.02.2016
Балаларны кече яшьтән спорт белән шөгыльләнергә, сәламәт яшәү рәвеше алып барырга күнектерү максатыннан районыбызда күп кырлы эш алып барыла. Балалар бассейнада, "Нарат" боз сараенда шөгыльләнәләр, теннис, нәфис гимнастика һәм башка спорт түгәрәкләренә йөриләр. Район күләмендә үткәрелгән ярышларда балалар катнашып үз көчләрен сыныйлар. Бүгенге Россия, Татарстан күләм "Чаңгы юлы-2016" ярышында безнең "Шатлык" балалар бакчасыннан зурлар, мәктәпкә әзерлек төркеме балалары актив катнашты. Малайлар, кызлар тиешле араны үтеп бүләкләргә ия булдылар. Ярышта катнашкан балаларга, әти-әниләргә рәхмәтебезне җиткерәбез. Киләчәктә дә спорт белән дус булып, сау-сәламәт яшәүләрен теләп калабыз.
-
"Чаңгы юлы - 2016" 14.02.2016 Балалар ярышыннан соң стартка өлкәннәр басты. "Шатлык" балалар бакчасы коллективы да бу ярыштан читтә калмады. Өч километр араны үтеп финишка килделәр.
-
Бөек шагыйрь - Муса Җәлил 12.02.2016
Шагыйрь җыры - ялкынлы җыр,
Һичбер кайчан сүнмәс җыр.
Ил - халкымның батыр улы
- Җәлил үзе - үлмәс җыр!
Җырны әсир итеп булмый,
Богаулап булмый аны:
Җәлилләр җыры танытты
Бу дөньяга татарны!...
Зиннур Хөснияр
"Муса Җәлил - халык улы" атналыгының йомгаклау чарасы итеп уртанчылар, зурлар, мәктәпкә әзерлек төркеме балалары белән "Бөек шагыйрь - Муса Җәлил" исемендә презентация күрсәтелде, Муса Җәлилнең балалар өчен язылган шигырьләре, җырлары башкарылды.
-
Әкияттә кунакта 12.02.2016
Әкиятләрне сәхнәләштерү аша балаларны туган телдә матур һәм сәнгатьле сөйләшергә өйрәтү,балаларның әкиятләр белән кызыксынучанлыгын арттыру; иҗади сәләтләрен үстерү; әкиятләр аша дуслык, тыйнаклык, шәфкатьлелек сыйфатлары тәрбияләү максатыннан икенче кечкенәләр төркеменең әти-әниләр җыелышында балалар тәрбияче Фатихова Гүзәл Хәмзевна белән берлектә рус халкының танылган "Теремкәй", "Төлке, куян һәм әтәч" әкиятләрен сәхнәләштерделәр. Балаларның образга кереп уйнаулары, җәнлекләрнең хәрәкәтләрен килешле тасвирлаулары әти-әниләрне сокландырды. Тәрбияче Фасхиева Гөлгенә Тәлгатовна "Мәктәпкәчә яшьтәге балаларда хезмәт сөючәнлек ничек формалаша?" темасына чыгыш ясады. 3-4 яшьлек балалар үз-үзләренә хезмәт күрсәтә белергә - культура гигиена таләпләрен үтәргә, киенә, чишенә, киемнәрен тәртипләп куя белергә тиешлеген аңлатты. Кече яшьтәге балаларга өлкәннәрнең беренчел үрнәк булуларын искәртте. Балалар бакчасында хезмәт тәрбиясе буенча алып барылган эшчәнлек белән таныштырды.
-
М. Җәлил – халык улы. 08.02.2016
М.Җәлил турында балаларның белемнәрен баету, аның әсәрләре белән танышуны дәвам итү; герой-шагыйрьгә карата бәяләмә бирү, аның батырлыгына соклану хисләре тәрбияләү; балаларда патриотик хисләр, Ватанны саклау теләге тәрбияләү максатыннан зурлар төркеме балалары тәрбияче Каюмова Венера Әгълиулловна, Ахметсафина Ләйсән Хазиевна белән берлектә Абрар Каримуллин исемендәге район китапханәсенә экскурсиягә бардылар. Китапханә хезмәткәрләре балаларны бик җылы каршы алдылар, китапханә белән таншытырдылар, өлкәннәр, балалар китапханәсе, уку залын күрсәттеләр. Китапханәдә бик күп китаплар саклануын, кирәк чакта алып укып булуы аңлатылды. Китапны сак тотарга кирәклеге төшендерелде. Өлкән китпханәче Шаяхметова Наилә Рәшит кызы балаларны Муса Җәлилгә багышланган стенд, аның тормыш юлы, иҗаты белән таныштырды, шигырьләрен укыды.
-
"Россия - зур дәүләт. Мәскәү башкала" 05.02.2016 Балаларның Россия башкаласы Мәскәү, рус милләте турындагы белемнәрен баету, Россия символикасы турында мәгълүмат бирү; балаларда туган илне ярату, аның белән кызыксыну, туган илгә тугрылык сыйфатлары, башка милләт вәкилләренә карата хөрмәт, дуслык хисләре тәрбияләү йөзеннән мәктәпкә әзерлек төркеме балаларына Хөснулина Гүзәл Габдулхаевна презентация күрсәтте. Йөмгаклау чарасы итеп татар, рус халкының озак еллар бердәм гаилә булып яшәвен тасвирлап бәйрәм үткәрелде. Балалар татар, рус, башкорт халык биюләрен башкардылар.Бәйрәм уеннар, җырлар, шигырьләр белән үрелеп барды.
