муниципальное бюджетное дошкольное образовательное учреждение «Сабинский детский сад общеразвивающего вида №1 «Шатлык» п.г.т. Богатые Сабы Сабинского муниципального района Республики Татарстан»
Визитная карточка
Адрес: | 422060, Республика Татарстан, Сабинский район, пгт. Богатые Сабы, ул. Школьная 39 А, |
Телефон: | 8 (84362) 2-32-43 |
E-Mail: | DdShat.Sab@tatar.ru; saba1shatlik@yandex.ru |
Министерство: | Министерство образования и науки Республики Татарстан |
Короткое название: | МБДОУ Сабинский детский сад №1 "Шатлык" |
Руководитель: | Зарипова Рушания Гилемхановна |
Год основания учреждения: | 1932 |
У нас учатся: | воспитанники - 122 |
У нас учат: | педагоги - 12 |
муниципальное бюджетное дошкольное образовательное учреждение «Сабинский детский сад общеразвивающего вида №1 «Шатлык» п.г.т. Богатые Сабы Сабинского муниципального района Республики Татарстан» - новости
Страницы: << ( 131 ) 132 133 134 135 136 137 138 139 140 >>
-
Габдулла Тукай безнең күңелләрдә! 11.04.2016 Сөекле шагыйребез Г.Тукай калдырган иҗат мирасы һәм рухи яктылык – безнең горурлыгыбыз.Аның исеме татар мәдәниятенең үткәне, бүгенгесе һәм киләчәге белән мәңгегә бәйле. Г.Тукайның кайсы гына әсәрен алсаң да, анда әхлак, тәрбия, туган телгә, туган якка, аның мәһабәт, гүзәл табигатенә мәхәббәт тәрбияләү максаты куелган. Г.Тукайның тууына 130 ел тулу уңаеннан аның әсәрләренә кызыксыну арттыру максатыннан әти-әниләр һәм тәрбиячеләр арасында кул эшләренә күргәзмә оештырылды. Табигать материалларынан эшләнгән паннолар күргәзмәдәүз үз урыннарын алдылар. Күргәзмәдә катнашучы һәркем иҗади якын килеп, зәвык белән эшләгән.
-
Куркынычсызлык. Уттан саклан. 07.04.2016 "Куркынычсызлык. Уттан сак бул!" атналыгы барышында балаларга кече яшьтән ут-күздән, янгын, ут чыгу куркынычы булган әйберләр белән сак булырга кирәклеген төшендерү; янгын куркынычсызлыгы кагыйдәләре белән таныштыруны дәвам итү, янгын чыгу очрагында үзләрен дөрес тоту күнекмәләрен ныгыту, үзеңнең һәм башкалар тормышына карата җаваплылык хисе тәрбияләү максатыннан күп кырлы эш алып барылды. "Электр җиһазлары", "Шырпы уенчык түгел!", "Ут-дус, ут-дошман" темаларына презентацияләр күрсәтелде."Янгын чыга калса нишләргә?", "Янгынны сүндерү чаралары" темаларына әңгәмәләр үткәрелде. Янгын сүндерүченең хезмәте белән балаларны таныштыру өстендә эш алып барылды. Янгын сүндерүче кыю, батыр, җитез, өлгер булырга тиешлеге аңлатылды. Зурлар төркеме балалары тәрбияче Ахметсафина Ләйсән Хазиевна белән берлектә "Янгын сүндерүчеләр" темасына бердәм белем бирү эшчәнлеге барышында янгын сүндерүчәрнең махсус кием киеп эшләүләрен, төтеннән саклану өчен противогаз киюләрен аңлатты.
-
1 апрель 01.04.2016
Тәрбиячеләр башкаруында "Җизнәкәй" җыры
-
Уңган әниләр 01.04.2016
-
"Девчата" 01.04.2016
Танец "Девчата" в исполнений педагогов
-
1 апрель - Көлке көне 01.04.2016
1 апрель - Көлке көне - шаярту көне бөтен планета буйлап нык адымнар белән безгә рух, кәеф өстәп йөри. Бу көнне елмаеп каршы алсаң, ел буена елмаеп йөрерсең. Авырлыклар килгәндә дә юмор хисен югалтмыйча яшәргә кирәк. Көлү бик файдалы, моны медицина фәне дә раслый. Көлү кешене бик күп авырулардан саклап кала икән. Шуңа күрә көлик! Көлү кешенең гомерен озайта. Менә нинди зур көчкә ия ул көлү! Бер-береңә елмайсаң, дөнья яктырып, җылынып китә.
Бүген бакчабызда 1 апрель - Көлке көнен икенче кечкенәләр, уртанчылар, зурлар, мәктәпкә әзерлек төркеме балалары белән күңелле итеп үткәрдек. Кунакк килгән клоуннар Капитошка, Кнопочка һәм Смешинка балалар белән кызыклы уеннар уйнадылар, фокуслар күрсәттеләр. Балаларны тапкырлыкта, зирәклектә сынадылар, ярышлар үткәрделәр.
-
Көлегез, көлегез - файдасы күп белегез! 01.04.2016
Бүген 1 апрель Көлке көнен бакчабыз хезмәткәрләре "Көлегез, көлегез - файдасы күп белегез!" исеме астында үткәрде. Кичәгә озак еллар шушы коллективта эшләп лаеклы ялга чыккан хезмәткәрләребез чакырылды. Мөдир Исрафилова Миләүшә Корбангалиевна килгән кунакларга изге теләкләрен җиткерде. Һәрвакыт көләч йөзле, шат күңелле, бәхетле булуларын теләде. Бәйрәм кичәсе күңелле уеннар, җыр, бию, нәфис сүз белән үрелеп барды. Өлкәннәребез бергә эшләгән чакларын, күңелле вакыйгаларны искә төшерделәр, истәлеккә фотога төштеләр.
-
Лего конструктор 01.04.2016
Мәктәпкәчә яшьтәге балаларның төп эшчәнлеге уен. Уен аша балалар тирә-юньне танып беләләр һәм өйрәнгәнне, белгәнне уенда чагылдыралар. Балалар рәсемле кубиклар, контсрукторлар белән кызыйсынып уйныйлар. Лего конструкторлар белән уйнау балаларның логик фикерләү, анализлый белү сәләтен, иҗади, мөстәкыйль эшчәнлекләрен үстерә. Икенче кечкенәләр төркемендә тәрбияче Фатихова Гүзәл Хәмзевна лего конструктор ярдәмендә, мавыктыргыч уеннар аша балаларның танып белү, арлаша белү, игътибарлылыкны үстерү өстендә даими эш алып бара.
-
Су - яшәү чыганагы 30.03.2016
"Су - яшәү чыганагы" атналыгы барышында уртанчылар төркеме тәрбиячесе Саматова Ләйлә Исмәгыйлевна танып белү эшчәнлегендә балаларны табигатьтә су әйләнеше белән таныштырды. Көннәр җылына башлау белән карның эреп суга, кояш нурлары астында җирдәге дымның парга әйләнеп күк йөзенә күтәрелүен, яз, җәй, көз айларында яңгыр булып, кыш көне кар булып явуын аңлатты.
-
"Нәни - китапчыклар" 28.03.2016
Россия күләм "Балалар китаплары атналыгы" барышында районыбыз балалар бакчалары арасында "Нәни-китапчыклар" бәйгесе игълан ителде. Бакчабызның икенче кечкенәләр, уртанчылар, зурлар, мәктәпкә әзерлек төркеме балалары әти-әниләре белән берлектә татар халкының бөек шагыйрьләре Габдулла Тукайның тууына - 130 ел, Муса Җәлилнең - 110 ел, Саҗидә Сөләймановнаның - 90 ел һәм башка танылган балалар язучыларының әсәрләрен чагылдырып нәни китапчыклар ясадылар. Китапчыкларның һәрберсе үзенчәлекле, матур итеп эшләнгән. Халкыбызның бай әдәби мирасы белән балаларны таныштырып, язучыларга, аларның әсәрләрен өйрәнүгә кызыксыну уяту максатыннан оештырылган бу бәйгедә катнашучы һәркемгә рәхмәтебезне җиткерәбез. Киләчәктә дә иҗади уңышлар теләп калабыз.