муниципальное бюджетное дошкольное образовательное учреждение «Сабинский детский сад общеразвивающего вида №1 «Шатлык» п.г.т. Богатые Сабы Сабинского муниципального района Республики Татарстан»
Визитная карточка
Адрес: | 422060, Республика Татарстан, Сабинский район, пгт. Богатые Сабы, ул. Школьная 39 А, |
Телефон: | 8 (84362) 2-32-43 |
E-Mail: | DdShat.Sab@tatar.ru; saba1shatlik@yandex.ru |
Министерство: | Министерство образования и науки Республики Татарстан |
Короткое название: | МБДОУ Сабинский детский сад №1 "Шатлык" |
Руководитель: | Зарипова Рушания Гилемхановна |
Год основания учреждения: | 1932 |
У нас учатся: | воспитанники - 122 |
У нас учат: | педагоги - 12 |
муниципальное бюджетное дошкольное образовательное учреждение «Сабинский детский сад общеразвивающего вида №1 «Шатлык» п.г.т. Богатые Сабы Сабинского муниципального района Республики Татарстан» - новости
Страницы: << 101 102 103 104 105 106 107 ( 108 ) 109 110 >>
-
Мәктәпкә әзерлек
21.03.2017
Бүген мәктәпкә әзерлек төркемендә чираттагы әти-әниләр җыелышы үткәрелде. Рус телен өйрәтүче Галиакбарова А.Ф. "Авыл, шәһәр" темасына бердәм белем бирү эшчәнлеген күрсәтте. Эшчәнлек барышында балаларның "Транспорт", "Юл билгеләре", "Кыргый һәм йорт хайваннары", "Җиләк-җимеш, яшелчә", "Авыл, шәһәр", "Уенчыклар" темалары буенча белемнәре чагылды. Балаларның сорауларны тыңлап, аңлап русча тулы итеп җавап бирүләре, үзләре сорау биреп әңгәмәдә катнаша, рәсем буенча сөйли беләлүре күренде. Җыелышның икенче өлешендә Миләүшә Корбангалиевна балаларның унышлары белән таныштырды. Миләүшә Фәритовна балаларның мәктәпкә әзерлеге буенча анализ ясады. Авазлар өйрәнү, логик фикерләү сәләтен, математик күзаллауны үстерү, сөйләм телен үстерү, рус телен инглиз телен өйрәтү буенча даими , системалы эш алып барылуын аңлатты.
-
Китапханәгә экскурсия
21.03.2017
21 март көнне МБМБУ Саба 1нче “Шатлык” балалар бакчасының зурлар төркеме балалары А.Каримуллин исемендәге үзәк китапханәгә экскурсиягә бардылар. Гарипова Алия Мөхәмәтнур кызы “Су яшәү - чыганагы” темасына әңгәмә үткәрде. Табигатьтә су барлык терлек ияләренә кирәк булуын, елга, күл, диңгез, океаннарны пычратмыйча, чиста тотарга кирәклеген аңлатты. Г.Тукайның “Су анасы” әкиятенә мультфильм күрсәтелде. Балаларга журналлар, китаплар, энциклопедияләр тәкъдим ителде.
-
Кошлар кайтты җылы яклардан
17.03.2017
Кошлар турында белемнәрен баету; тышкы билгеләренә карап сыерчык,карга һ.б. кошларны танырга, исемнәрен әйтергә өйрәтү, кешеләрнең алар турында ничек кайгыртуын күзаллый белүне формалаштыру; балаларның күзәтүчәнлекләрен, кызыксынучанлыкла- рын, чагыштыра белү күнекмәләрен үстерү; балаларның тасвирлый белү сәләтен үстерү; балаларда кошларга карата сак караш, мәрхәмәтлелек, кайгыртучанлык сыйфатлары тәрбияләү максатыннан 13-17 март көннәрендә "Кошлар кайтты җылы яклардан" атналыгы үткәрелде. Атна дәвамында күчмә, кышлаучы кошлар турында, рәсем, иллюстрацияләр буенча әңгәмәләр, табигатьтә күзәтүләр, бердәм эшчәнлекләр үткәрелде. Уртанчылар төркемендә Фасхиева Г.Т. балаларны геометрик фигуралар ярдәмендә кош ясарга өйрәтү, төсле карандашлар ярдәмендә тигез буяу алымнарын ныгыту, кошалрга карата сак караш тәрбияләү йөзеннән "Матур кош" темасына рәсем эшчәнлеге үткәрде.
-
"Ромашка" балалар бакчасында киңәшмә
17.03.2017
Бүген МБМБУ Бигәнәй "Ромашка" балалар бакчасында "Федераль дәүләт белем бирү стандартлары кысаларында экологик тәрбия бирү" темасына, тәрбиячеләр өчен зона семинары узды. Мөдир Магсумова С.А. бакчаның эшчәнлеге белән таныштырды, тәрбияче Кадирова Т.Г. "Туган ягым бик ямьле!" исеме астында уен-сәяхәт формасында белем бирү эшчәнлеге, "Иҗат йортында кунакта" исеме астында мастер-класс күрсәтте. Эшчәнлек барышында балалар туган як табигате турында белемнәре бай булуы, туган төбәкләрендә үсүче агач, куакларны, дару үләннәрен танып, аера белүләрен күрсәттеләр. Кышлаучы, күчмә кошлар турында табышмаклар чишеп, табигатьтә үз-үзеңне тоту кагыйдәләрен искә төшерделәр, саф чишмә суын авыз итеп, аның җир астыннан кайнап чыгуын, чиста булуын билгеләп үттеләр. Җил-давылда сынган каен ботакларын җыеп алып кайтып суга утырттылар.
- "Ромашка" балалар бакчасында 17.03.2017 Киңәшмәдә безнең бакчадан Нурисламова М.Ф. һәм Ахметсафина Л.М. катнаштылар. "Иҗат йортында кунакта" мастер-класс барышында тәрбиячеләр рәсемләүдә ак, кара, сары, зәңгәр, кызыл төсләр ярдәмендә палитрасыз да кирәкле төсне ясап булуын төшенделәр.
- Әти-әниләр җыелышы 16.03.2017 Кичә 15 март көнне зурлар төркемендә әти-әниләр җыелышы үткәрелде. Әти-әниләргә "Яшелчә бакчасында" темасына рус теле эшчәнлеге күрсәтелде. Рус телен өйрәтүче Алсинә Фаиловна белән берлектә балалар "Шалкан" әкиятен искә төшерделәр, яшелчәләр турында табышмакларга җаваплар эзләделәр,"Тәрҗемәче", ""Нәкъ шундыйны тап" уеннары аша яшелчәләр аларның төсе, формасы турында фикер алыштылар..
- Инглиз телен өйрәнәбез 16.03.2017 Әти-әниләргә җыелышта "Карлсон бездә кунакта" темасына инглиз теле эшчәнлеге күрсәтелде. Алсу Ильдусовна белән бергә балалар Карлсонның яраткан ризыклары белән таныштылар, аларның бик баллы булуын, организымга зыянлы булуын билгеләп үттеләр. Сау - сәламәт булыр өчен яшелчә һәм җиләк-җимеш ашарга кирәклеген искәрттеләр.
-
Шашка уйнарга яратабыз
14.03.2017
Мәктәпкә әзерлек, зурлар төркеме балалары эшчәнлектән тыш вакытларда шашка уйнарга яраталар. Балалар бер-берсе белән уйнау алымнары, уйнау тәртибе турында фикерләшеп, килешенеп уйныйлар. Шашка уены балаларның уйлау, фикерләү, анализлау сәләтен устерергә ярдәм итә, математик күзаллауны үстерә.
- Бәйрәм белән хезмәттәшләр! 06.03.2017 Бүген башлангыч профсоюз оешмасы рәисе Галиакбарова А.Ф. "Шатлык" балалар бакчасы коллективындагы хатын-кызларны якынлашып килүче 8 Март - Халыкара хатын-кызлар көне уңаеннан котлады һәм бүләкләр тапшырды. Миләүшә Курбангалеевна шигьри юллар аша һәр хезмәткәрне бәйрәм белән тәбрикләде, матур теләкләрен җиткерде.
- Әниемә бүләк! 06.03.2017 Бүген мәктәпкә әзерлек төркеме балалары әниләрен, дәү әниләрен, әби, апаларын 8-Март Халыкара хатын-кызлар көне уңаеннан котлап "Әниемә бүләк" дип исемләнгән бәйрәм кичәсе үткәрделәр. Бәйрәмдә балалар чыгышы әниләрнен уеннары белән үрелеп барды. Оста куллы әниләребез чәчәк ясау буенча мастер-класс күрсәттеләр, чәчәк исемнәренә багышлап җырлар башкардылар. Бәйрәм кичәсе күңелле, матур булды. Балалар бәйрәм ахырында әниләренә, дәү әниләренә, әбиләренә үзләре ясаган чәчәкләрне бүләк иттеләр.