муниципальное бюджетное дошкольное образовательное учреждение «Сабинский детский сад общеразвивающего вида №1 «Шатлык» п.г.т. Богатые Сабы Сабинского муниципального района Республики Татарстан»
Визитная карточка
Адрес: | 422060, Республика Татарстан, Сабинский район, пгт. Богатые Сабы, ул. Школьная 39 А, |
Телефон: | 8 (84362) 2-32-43 |
E-Mail: | DdShat.Sab@tatar.ru; saba1shatlik@yandex.ru |
Министерство: | Министерство образования и науки Республики Татарстан |
Короткое название: | МБДОУ Сабинский детский сад №1 "Шатлык" |
Руководитель: | Зарипова Рушания Гилемхановна |
Год основания учреждения: | 1932 |
У нас учатся: | воспитанники - 122 |
У нас учат: | педагоги - 12 |
муниципальное бюджетное дошкольное образовательное учреждение «Сабинский детский сад общеразвивающего вида №1 «Шатлык» п.г.т. Богатые Сабы Сабинского муниципального района Республики Татарстан» - новости
Страницы: << 101 102 103 ( 104 ) 105 106 107 108 109 110 >>
-
“Беркем дә, бернәрсә дә онытылмады”
11.05.2017
Батырлыкны эшли ала
Бөтен кеше дә.
Аның өчен кирәк түгел
Алып көче дә.
Ә моның өчен:
Яратырга кирәк бары
Туган җиреңне,
Әти - әниеңне,
Туган илеңне.
Мәктәпкә әзерлек төркеме балалары Ләйсән Хаҗиевна, Алсинә Фаиловна белән берлектә мәңгелек ут, билгесез солдат һәйкәленә экскурсия оештырдылар. Районыбыз геройлары Закиров Гали Закир улы, Хәбибуллин Зәки Хәбибулла улы, Хаҗиев Вәлит Хаҗиәхмәт улы, Башкиров Иван Сергеевич, яу кырында ятып калган батырларны, тылда хезмәт куючыларны, алар истәлегенә 9 май көнне һәйкәл янына бик күп чәчәкләр салынуын, салют атуларын искә алдылар.
-
Тарих эзләре буйлап
11.05.2017
Мәктәпкә әзерлек төркеме балалары Саба районы туган якты өйрәнү музеена экскурсиягә барлдылар. Музей җитәкчесе Резеда Сунгатова балаларны Бөек җиңүнең 72 еллыгын чагылдырган стендлар, районыбыз хезмәткәрләре, батрылары, сугышчылар, тыл ветераннары, танылган шәхесләре белән таныштырды. Музейда булган тарихи фотолар, экспонатлар балаларда зур кызыксыну уятты. Экскурсиянең тәрбияви асылы балаларда патриотик хисләр уяту, яу кырында ятып калган сугышчыларны искә алу, яшьли тылда авыр хезмәт башкарган абый-апаларга карата хөрмәт, игътибарлылык тәрбияләү.
-
Бөек Җиңүнә - 72 ел!
09.05.2017
Искә ала бүген Ватаныбыз
Шаулап үткән көрәш елларын.
Данлый, зурлый һәм хөрмәтли
Курку белмәс батыр улларын.
Бүген халкыбыз Бөек Җиңүгә 72 ел тулуын билгеләп үтте. Бакчабыз хезмәткәрләре сугыш кырында ятып калган каһарманнарны, батырларны, тыл да хезмәт куйган абый-апаларны искә алу, аларның бердәм, сабыр, түзем, җиңүне якынайту өчен куйган тырышлыкларын данлап үткәрелгән чарада актив катнашып бер минутлык тынлык белән билгеләп үтте.
-
9 май - Җиңү көне!
05.05.2017
Җиңү көне иң зур бәйрәм —
Туп тавышы тынган көн.
Сабый бала саф күзләрен
Кырда түгел, карда түгел,
Бишегендә йомган көн.
Җиңү килде җирне нурга күмеп,
Шатлык белән күзне чылатып.
Килде ул көн — горур күкрәкләрдә
Орден-медальләрне чыңлатып.
Бөек Җиңүгә 72 ел тулу уңаеннан бакчабызда "Җиңү алып килгән яз!" исеме астында бәйрәм иртәсе үткәрелде. Уртанчылар, зурлар, мәктәпкә әзерлек төркеме балалары белән батыр егетләребез һәм кызларыбызны искә алып җырлар, шигырьләр башкарылды. Бөек Ватан сугышында катнашып кайтмый калган шагыйрь, язучыларыбыз искә алынды, презентация күрсәтелде.
-
Агач утырту
04.05.2017
Бакчабызның тирә-юнен матурлау, ямьләндерү, яшеллекне үстерү буенча буенча даими эш алып барыла. һәр елны язын, көзен бакчабыз биләмәсендә агач, куаклар утыртыла. Кичә зурлар төркеме балалары Ләйлә Исмагиловна белән берлектә Себер нараты утырттылар. Балалар агачның биек булып үсүен теләп су сиптеләр.
- Экологик Флешмоб 04.05.2017 Табигатькә карата мәхәббәт, сакчыл караш уяту - балалар тәбияләүдә мөһим урынны алып тора. Мәктәпкәчә вакыт - экологик яктан шәхес булып җитлегүнең бер чоры. Бу чорда бала әйләнә-тирә мөхиттән үз-үзен аерырга өйрәнә, тирә-юнь кешеләргә карата эмоциональ якын килү, шәхес буларак әхлакый яктан табигатьне яратырга өйрәнәләр. Матурлыкны, тереклекне, яклаучысыз калганнарны ярату хәтта иң кечкенәләргә дә таныш - бу экологик тәрбиянең иң мөһим һәм беренче баскычы булып тора.Экологиягә багышланган күңел ачулар, бәйрәмнәр - иң үтемле эшләрнең берсе, чөнки балаларда бу бәйрәмнәр эмоциональ яктан тәэсир калдыра. Шул уңайдан бүген бакчабызның мәктәпкә әзерлек төркеме балалары һәм тәрбиячеләр, специалистлар белән белән "Табигатьне саклыйк" темасына флешмоб үткәрелде.һәркем бу чарада теләп катнашты.
- Г.Тукай - безнең күңелләрдә 28.04.2017 Г.Тукайның тормыш һәм иҗат юлы белән таныштыру; балаларда Г.Тукайның күпкырлы иҗатына кызыксыну уяту, таныш әдәби сюжетлар буенча балаларның Г.Тукай иҗаты буенча алган белемнәрен камилләштерү; шагыйрьгә, шагыйрьнең иҗатына карата мәхәббәт, ихтирам хисләре тәрбияләү; Г.Тукай әкиятләре, шигырьләре аша балаларда матур әдәбият белән кызыксыну, аларны укырга теләк тәрбияләү, тырышлык, игътибарлылык,сабырлык кебек сыйфатлар тәрбияләү максатыннан 24-28 апрель көннәрендә "Г.Тукай безнең күңелләрдә" атналыгы үткәрелде. Йомгаклау чарасы итеп зурлар төркеме балалары Ләйлә Исмагиловна, Гөлгенә Тәлгәтовна, Нурания Әюповна, Диләрә Ильдусовна белән берлектә "Г.Тукай - бөек шагыйрь" исемле бәйрәм иртәсе уздырылды. Бәйрәм танылган шигырьләрне сәхнәләштереп, җыр, бию белән үрелеп барды.
- "Тамчы" бездә кунакта 28.04.2017 Икенче кечкенәләр төркеменә бүген "Тамчы" кунакка килде һәм балаларны су патшалыгына сәяхәткә чакырды. Алар юлда барганда бергәләшеп суның челтерәп аккан тавышын ишеттеләр. Кешеләр, җәнлекләр тормышында суның әһәмияте турында сөйләштеләр. Тәрбияче апалары Гилемханова Әнисә Әминовна белән стаканда чиста су белән сөтне чагыштырып, тәҗрибә үткәреп, сунның төссез, иссез икәненә төшенделәр.
-
Барыбыз да өмәгә!
28.04.2017
Бакчабызның биләмәсен чистарту, матурлау, яңарту, агарту өстендә шушы көннәрдә эш алып барыла. Бакчабызның хезмәткәрләре өмәдә актив катнаша.
- Гомүми әти-әниләр җыелышы 27.04.2017 Бүген бакчабызда "Мәктәпкәчә белем бирү оешмаларында экологик тәрбия бирү" темасын яктыртып гомүми әти-әниләр җыелышы үткәрелде. Мөдир Милүәшә Корбангалеевна уку елы дәверендә алып барылган эшләр, нәтиҗәләр белән таныштырды, өлкән тәрбияче Миләүшә Фәритовна бакчабызда экологик тәрбия бирү үзенчәлекләре белән әти-әниләрне таныштырып чыгыш ясады, презентация күрсәтте. Соңыннан икенче кечкенәләр, уртанчылар, зурлар, мәктәпкә әзерлек төркеме балалары концерт номерлары белән чыгыш ясадылар.