26-28 гыйнвар көннәрендә Укытучылар спартакиадасы үткәрелде. Мәктәбебезнең укытучылары һәр ярыш төрендә дә актив катнаштылар. Өстәмә белем бирү укытучысы Хөсәенова Зәмирә Минигаяновна "Отжимание" дә 3 нче урынны яулады. Укытучыларыбызга спорт ярышларында алга таба да уңышлар телибез.

22 гыйнвар көнне татар шагыйрәсе Клара Булатованың тууына 80 ел тулуга багышланган "Дулкыннар" Республика бәйгесенең район туры узды. Әлеге бәйгедә Нәфис сүз номинациясендә мәктәбебезнең 7 нче сыйныф укучысы Гарифуллина Гөлчәчәк, 3 нче сыйныф укучысы Мөхәммәтова Иллария( җитәкчеләре Рабгетдинова Гөлсем Әхәтовна) һәм  "Илһам" иҗат төркеме (Билалова Әлфия Кыямовна җитәкчелегендә) чыгыш ясадылар.

21 гыйнварда укучыларыбыз "Саба дулкыннары"  радиосында чыгыш ясадылар. Әлеге тапшыруда райондашларыбызны мәктәп яңалыклары белән таныштырдылар, көндәлек тормышыбыз, традицияләр һәм шөгыльләребез , тырыш укытучылар  һәм укучыларыбыз турында сөйләделәр, матур уңышларыбыз белән сөендерделәр. Тапшыруны Илсинә, Айсылу, Илзирә һәм Фаяз алып бардылар. Эфирда  мәктәпнең “Зифа” вокаль ансамбле башкаруында Фәннур Галимов җырлары  яңгырады. Шулай ук  Фаяз Садыков башкаруында да җырлар тыңланылды. Безгә эфирга чыгарга мөмкинлек тудырган район җитәкчелегенә һәм тапшыруны әзерләргә булышкан “Саба дулкыннары” телерадио компаниясе хезмәткәрләренә зур рәхмәтебезне белдерәбез.

Районкүләм "Замечательный вожатый" конкурсында мәктәбебезнең 8 нче сыйныф укучысы Вафина Илзирә катнаша. Аңа уңышлар телибез!

26 декабрьдә 8-11 сыйныф укучылары белән  "Яңа ел TV" кичәсе оештырылды. Укучылар бер кич эчендә телевидение йолдызларына әверелделәр. Җырчылар, биючеләр, юмор осталары - безнең укучылар бик талантлы һәм кабатланмас. Укытучылар да, укучылар да, әти-әниләр, килгән кунаклар да, барысы да күтәренке кәеф, уңай эмоцияләр алдылар.

Әй, Яңа ел, бер дә тартынмыйча

Хуҗа булып әйдә түргә уз.

Юлларыңа синең ак чәчәкләр,

Эшләреңдә сиңа уңышлар.

Ап-ак мамык карлар ява

Акка тореп доньяны.

Буген безне уз янына

Яшел чыршы жыйнады.

27 декабрьдә мәктәбебездә "Могҗизалы Яңа ел" дип исемләнгән бәйрәм кичәсе уздырылды. Әлеге чарада 1-7 сыйныф укучылары катнашты. Укучылар рәхәтләнеп күңел ачтылар, җырладылар, биеделәр, чыршы тирәли әйләнделәр. Бәйрәмебезгә Кыш бабай килгәч, балалар бик шатландылар, үзләренең әзерләп килгән шигырьләрен сөйләделәр.

Районкүләм фән олимпиадалары тәмамланды. Укучыларыбызның  уңышлары да бар. 10 сыйныф укучысы Гайнанова Фирүзә - рус теле һәм техгологиядән 3 нче урын, 6 сыйныф укучысы Гилметдинова Әдилә инглиз теленнән 3 нче урын, 4 сыйныф укучысы Сөләймәнова Динә татар теленнән 1 нче урын, 8 нче сыйныф укучысы Мингазова Зәринә - татар әдәбиятеннән 2 нче урын һәм 11 сыйныф укучысы Мухаметова Айсылу - татар әдәбиятыннан 2 нче урын яуладылар. 

Балалар бакчасы белән эшләү дәвам итә. 9 декабрь көнне тәрбияче Римма Мөхәмәтнәҗиповна рус теле эшчәнлегенә ачык дәрес үткәрде. Эшчәнлеккә башлангыч сыйныф укытучылары югары бәя бирделәр.

10 нчы декабрьдә мәктәбебездә 5-6 нчы сыйныф укучылары арасында "Веселые старты"  районкүләм ярышы уздырылды. Әлеге ярышта 4 мәктәптән килгән укучылар командалары спорт ярышларында көч сынашты. Уенның нәтиҗәләре буенча 1 урынны - Мичән командасы, 2 нче урынны - Тимершык командасы, 3 урынны - Шыңар командасы һәм 4 урынны - Симет командасы яулады. 1 нче һәм 2 нче урынны алган командалар финал ярышларында катнашачаклар.