7 нче сыйныф укучылары Шәйхетдинова Илүсә һәм Галимуллин Нәзир әти-әниләренең һөнәрләре турында...

    "Наза" балалар фольклор коллективы(мәктәбебезнең 7-8 сыйныф укучылары, җитәкчесеРабгетдинова Г.Ә.) "Моңлы тамчы - 2016" Республика балалар фольклор фестиваленең финалына үтте һәм 29 март көнне Тукай районында үткәрелгән фестивальдә катнашып Яр Чаллы шәһәренең "Энергетиклар" мәдәният сараенда узган Гала концертта чыгыш ясады, фестивальнең дипломы белән бүләкләнде.

   27 март көнне Кече Шыңар авыл мәдәният йортында  “Нәүрүз”бәйрәме булып үтте. Мәдәният йорты каршындагы мәйданда  “Карга боткасы”пеште,бәйрәмгә килүче һәркем тәмле ботка,кайнар чәй һәм коймак белән сыйланды, “Татлы ярминкә”дән тәмле ризыклар сатып алды.Яз кызы Нәүрүзбикәне каршы алганнан соң “Наза”фольклор коллективы чыгыш ясады,аннары спорт уеннары,ярышлар башланып китте.Уеннарда катнашучыларга бүләкләр тапшырылды.

24 нче март көнне мәктәбебездә ата-аналар җыелышы уздырылды. Көн тәртибе буенча:

1. Башлангыч сыйныфлар укытучысы Бикбаева М.Н. доклад белән чыгыш ясады.

2. Эчке эшләр бүлегеннән балигь булмаганнар белән эшләү инспекторы Сибгатов А.А. чыгышы.

3. Уку буенча директор урынбасары Галявиева Р.Р. 3 нче чирек нәтиҗәләре белән таныштырды.

4. Тәрбия эшләре буенча директор урынбасары Мубараков Р.Г. "Әтиләр советы" төзү турында тәгьдим ясады.

24 нче март көнне башлангыч сыйныф укучылары район үзәгенә экскурсиягә бардылар. Алар анда туган якны өйрәнү музеенда булып, халкыбызның гореф-гадәтләре, үткәне, тарихы белән таныштылар. Китапханәдә журналлар белән таныштылар һәм "Йолдыз шоу" конкурсы үткәрелеп, тапкыр укучылар бүләкләнде. Соңыннан укучылар психологик үзәктә ял иттеләр. Экскурсия бик файдалы булды.

Язгы каникулга бик күп чаралар, конкурс-бәйгеләр планлаштырылды. Укучыларны күңелле һәм мавыктыргыч яллар көтә.  7 нче сыйныф укучылары өчен "Нарат" боз сараена экскурсия оештырылды. Укучылар тимераякта шууны бик ошаттылар, кәефләре күтәренке иде!

Язгы каникулның беренче көнендә Шәмәрдән мәктәбендә үткәрелгән Зарница-2016 бәйгесендә мәктәбебез  укучылары 3 нче урынны яуладылар. Бәйгедә командалар "Строевой шаг", мылтык сүтеп-җыю, мишеньга ату кебек ярышларда көч сынаштылар.

18 март көнне Район балалар иҗат йортында "Фестиваль иностранных языков" үткәрелде. Әлеге фестивальдә Садыков Фаяз, Мөхәмәтова Айсылу, Хакимова Алия инглиз телендә җыр башкардылар. Һәр укучы сертификат белән бүләкләнде.

10 мартта Клара Булатова иҗатына багышланган Дулкыннар конкурсы да тәмамланды.  Муниципаль этапта нәфис сүз номинациясендә 1 нче урынны яулаган "Илһам" иҗат төркеме әлеге конкурсның республика этабында да чыгыш ясады.(Җитәкчеләре Шайдуллина Әлфия Кыямовна) 

5 март көнне мәктәбебездә "Рәхмәт сиңа, Әлифбам" дип исемләнгән бәйрәм булып узды. 1 нче сыйныф укучылары әниләре, укытучылары каршында чыгыш ясадылар. Бәйрәмгә шулай ук Кызыл Калфак, "5"ле билгесе, Шүрәле, Убырлы карчык һәм Әлифба да килделәр. Бергәләп җырлап, биеп, уйнап Әлифба бәйрәме бик күңелле узды.