Сәламәтлек ташламасын сезне

Һәр көнегез үтсен шатлыкта

Яшәү яме,дөнья иминлеге,

Юлдаш булсын Сезгә картлыкта

Яшәүгез сез мәңге яшь булып

Туган йортыбызга ямь булып

Сез булсагыз таза-сәламәт

Оныкларга булыр  бик рәхәт

Оныкларга терәк булып

Яшәгез сез шатлыкта

Сәламәтлек, ак бәхетләр

Юлдаш булсын картлыкта.

Без матрешкалар,

Матур курчаклар

Менә шундый,

Менә шундый.

Кызыл иреннәр.

Бүген "Миләшкәй" балалар бакчасында "Әбекәй алтыным-минем иң якыным", дип исемләнгән кичә булып узды. Әбием, дәү әнием, Ерак әбием , Кунак әбием! Нинди матур бу сүз. Бу сүз -әни сүзе кебек кадерле һәм якын .

Котлы булсын бәйрәмегез.

Табыныгыз мул булсын

Күңел шатлык белән тулсын

Ялыгыз гөрләп торсын.

Кош көлеп елмайды да

Нурларын сипте мулдан

Әбиләр килде бакчага

Атлап кояшлы юлдан.

Түбәтәеңне кигәнсең,

Бик ераклардан килгәнсең,

Төскә матурлыгың белән

Шаккаттырыйм, дигәнсең.

Түп-түп, түбәтәй,

Түбәтәең укалы.

Чиккән матур түбәтәең

Менә кемдә тукталды.

Әбиемнең күңел сандыгы!

Нинди серләр саклый икән ул?

Гомер буе җыйган хәзинәме,

Әллә инде күңел бизәгеме,

Нинди серләр саклый икән ул?

Чәчәк букетлары бүләк итсәк,

Чәчәк букетлары корыр ул.

 Үз кулларыбыз  белән ясаган

 Югалтмассыз, мәңге торыр ул.  

Бүген "Миләшкәй" балалар бакчасында "Әтием солдат булган" дип , исемләнгән кичә  уздырдык. Кичәнең беренче өлешендә балалар әтиләргә багышланган  җырлар җырладылар, шигырьләр сөйләделәр. Икенче өлешендә әтиләр белән балалар арасында ярыш булды. Барлык әтиләр дә актив катнашты, балалары белән бергә уеннар уйнадылар, бергәләп күңел ачтылар. 

Хөрмәтле әтиләр! Сезне чын күңелебездән бәйрәмегез белән тәбрик итәбез. Гаиләдә әти кеше төп таяныч, терәк булып тора. Бала тәрбияләүдә әтиләрнең йогынтысы бик зур. Менә шуңа күрә дә кадерле әтиләр, балаларыгыз мәктәпкә күчкәч тә, аларга үрнәк әти булып, кирәк вакытта файдалы киңәшләрегезне биреп, олы тормыш юлына аяк басканчыга кадәр һәм гомер буена таяныч булып яшәгез!

Бер бәйрәм бар февральдә

Кадерле ул һәркемгә.

Аны иң зур бәйрәм дип

Мөмкин хәтта әйтергә.

Ул тынычлык бәйрәме

Аны һәр кеше белә.

Ватанны саклаучылар

Бәйрәме дип йөртелә.

Ул солдатлар бәйрәме,

Без котлыйбыз аларны.

Әтиләрне, абыйларны,

Һәм бөтен солдатларны.

Әти булса хәвеф-хәтәр дә юк,

Бәләләрдән калкан кебек каплыйсыз сез.

Балаларның тынычлыгын, әниләрнең

Саф, ягымлы елмаюын саклыйсыз сез.

Җырлыйбыз әтиләр хакында,

Үсәбез аларның кулында.

Әтиләр кул куйса иңбашка,

Яктырак елмая кояшта.