Кечкенәләр дә күп белергә омтылалар һәм алар белән йөк машинасы нинди өлешләрдән торганын өйрәнергә булдык. Машина арбасына утырырга ярамаса да кечкенә Динараны йөртеп карарга булдык. 

“Юлда булсаң син өлгер, юл кагыйдәләрен син бел!” –дигән айлык бара. Олы-Нырты “Миләшкәй” балалар бакчасы балалары белән  шул темага күп сөйләшүләр алып барылды.  “Һәркемгә юл йөрү кагыйдәләрен белү кирәк!” -дип исемләнгәк уен-викторина оештырылды. Уен барышынды балалар “Хезмәт күрсәтүче”  һәм  “Кисәтүче”  билгеләрен аерып алдылар һәм аларның нинди билгеләр икәнен аңлатылар. Уен барышында балалар актив булдылар.

20 сентябрь көнне Олы -Нырты биләмәсендә  "Кросс Татарстана-2014" ярышлары булып узды. "Миләшкәй" балалар бакчасы балалары да бик теләп катнаштылар.

Бу атна "Туган Татарстаным. Яшеллекә күмелгән  туган илем" дип  атала. Атна дәвамында балалар белән  туган якка карата ярату хисләре, тирә-юнь турындагы белемнәрен киңәйтү исәбенә сүз байлыгын арттыру, активлаштыру, диалогик сөйләмне үстерү өстендә эш алып барылды. Һәм дә кисеп ябыштыру эшчәнлегендә "Татарстан флагын" балалар бик теләп ябыштырдылар

           Алтын көз

Күңелләргә якты нур өләшеп,

Шатлык өстәп һәрбер йөрәккә,

Үз муллыгы белән көзләр килә

Йомгак ясап җәйге хезмәткә.

   Әйе, күңелле  эссе җәй үтеп тә китте, туган ягыбызга алтын көз килде. Көз -елның  матур да, моңсу да вакыты. Мәктәпләрдә укулар, табигатьтә көзге үзгәрешләр башланды.  Әле генә шаулап утырган бакчалар, басулар бушап калдылар. Тирә-якка карасаң ,нинди генә төсләр юк. Агачлардан сары, кызгылт яфраклар коела, әйтерсең, җиргә сары – кызгылт юрган түшәлгән.