Көзге муллык белән танышуны дәвам итәбез. Балалар белән "Бар матур бакча" уенын уйныйбыз.

Сөйләм теле эшчәнлегенә "Шалкан" әкиятеннән бабай кунакка килде. Ул балаларга табышмаклар, "Көзге эшләр" рәсемен һәм "Кем күбрәк яшелчә җыя" уенын алып килде. Бабай балаларның бик күп белүен ошатты.  

Бу атнаны "Көз күчтәнәчләре" проекты бенча эшлибез. Балаларга яшелчәләр, җиләк-җимешләр турындагы белемнәрен тирәнәйтү, алган белемнәрен уеннар аша иҗади якын килеп файдалану күнекмәләрен камиләштерүне максат итеп алдык. Рәсем эшчәнлегендә балалар белән натурадан күзәтеп миләш ботагын ясадык.

Рус теле эшчәнлегендә уен аша балалар белән яшелчәләрнең атамаларын рус телендә өйрәнү, яшелчә бакчасын  һәм җиләк-җиимеш бакчасын аерырга өйрәнү өстендә эшлибез.

Балалар физкультура эшчәнлеген бик яраталар һәм бүген алар янына кунакка урман җәнлекләре килеп төрле уеннар оештырып , үзләре дә читтә калмадылар.

Әвәләү эшчәнлегендә балалар белән көзге уңыш әвәләдек.

Бүген Инзиләнең туган көне. Инзилә! Сине туган көнең белән котлыйбыз! Сиңа шатлык, куаныч, бәхет, сау-сәламәт үссүеңне теләп калабыз. Иң изге теләкләр белән бакчадагы апаларың һәм дусларың. 

Инзилә дә үзенең шатлыгы белән уртаклашып балаларга пазллар өләште.

Бүген бакчабызда корбан бәйрәме үткәрелде. Балалар корбан итеннән пешерелгән ризыклардан авыз иттеләр.