Балалар белән рәсем эшчәнлегендә читек силуэтында  татар халык  орнамент мотивларыннан (яфрак, лалә, кыңгырау, кәнәфер) бизәкләрен төшерергә өйрәндек. 

Балалар белән рәсем эшчәнлегендә татар орнаментлары кулланып  ашъяулык бизәдек. Эшчәнлекнең максаты балаларда туган тел, туган йортны ярату, аның белән горурлану хисләре тәрбияләү;– балаларны татар милли киемнәре һәм орнаментлары белән таныштыруны дәвам итү;татар орнаменты мотивларын (яфрак, ләлә, мәк, кыңгырау, тукранбаш, кәнәфер) искә төшерү һәм кабатлау; ашъяулык  силуэтында орнамент мотивларыннан бизәк төзергә өйрәтү; мөстәкыйль рәвештә  бизәк ясау сәләтен үстерү; пумала белән пөхтә эш итүне үзләштерү.

Балаларны тозлы камыр белән эшләүне таныштыру.

 Яраткан ризыкларыбыз белән чәй эчәбез.

Балалар белән сөйләм теле эшчәнлегендә "Икмәк нинди юллар белән өстәлгә килә " уены аша икмәк турында әңгәмә кору.Балаларның игътибарлылыгын, хәтерен, фикер йөртә белү сәләтен үстерү. Балаларга икмәкнең әһәмиятен аңлату, ипи үстерүдә катнашучыларның хезмәте турында белемнәрен ныгыту.

Балаларгага икмәкнең әһәмиятен  аңлату, ипи үстерүдә катнашучыларның хезмәте турында белемнәрен ныгыту. Икмәк басуын рәсемгә төшерергә өйрәтү. 

Балалар рус теле эшчәнлегендә яшелчәләрнең рус атамаларын өйрәнделәр һәм төсләре буенча кәрҗиннәргә җыйдылар.

Көз кәчтәнәчләре турында сөйләшүне дәвам итәбез һәм балалар белән "Агачларда авырый" , дип исемләнгән мультфильм карадык. Бу мультфильм аша балалар агачларга сак карашта булырга, аларны тәрбияләп торырга икәнен белделәр.

Балалар сап -сары яфраклы агачларны  бик күп көннәр күзәттеләр. Әмма табигать үзенекен эшли бу матур көннәр артта калып яңгырлы, җилле, салкын көннәр башланды. Балаларның сап-сары  яфраклы агачларны кисеп ябыштырып, күңелләрендә саклап каласылары килде. Һәм бүген зурлар кисеп , ә уртанчылар ертып алу ысуллары кулланып агачларны бизәделәр.

Саба мәдәният йортында узган "Укытучылар бәйрәме"  көненә уздырылган кичәдә безнең "Миләшкәй" балалар бакчасын коллективын  "Иң яхшы бакча" муниципаль конкурсының авыл җирлегенә урнашкан балалары бакчалары арасында "Иң яхшы дизайнлы бакча" номинациясендә II урын алуы белән бүләкләнде. Коллективыбызга чын күңелдән  рәхмәтебезне җиткерәбез, киләчәктәдә уңышлар телибез.