Рус теле эшчәнлегендә уен аша балалар белән яшелчәләрнең атамаларын рус телендә өйрәнү, яшелчә бакчасын  һәм җиләк-җиимеш бакчасын аерырга өйрәнү өстендә эшлибез.

Балалар физкультура эшчәнлеген бик яраталар һәм бүген алар янына кунакка урман җәнлекләре килеп төрле уеннар оештырып , үзләре дә читтә калмадылар.

Әвәләү эшчәнлегендә балалар белән көзге уңыш әвәләдек.

Бүген Инзиләнең туган көне. Инзилә! Сине туган көнең белән котлыйбыз! Сиңа шатлык, куаныч, бәхет, сау-сәламәт үссүеңне теләп калабыз. Иң изге теләкләр белән бакчадагы апаларың һәм дусларың. 

Инзилә дә үзенең шатлыгы белән уртаклашып балаларга пазллар өләште.

Бүген бакчабызда корбан бәйрәме үткәрелде. Балалар корбан итеннән пешерелгән ризыклардан авыз иттеләр.

Бүген Руфинәнең туган көне. Руфинә! Сине туган көнең белән тәбрик итәбез. Сиңа саулык-сәламәтлек, шатлык-куанычлар,бәхетле булуыңны телибез. Әти-әниеңне, әбиеңне, туганнарыңны сөендереп игелекле бала булып үсүеңне теләп калабыз. Иң изге теләкләр белән бакчадагы апаларың һәм дусларың.

Руфинә балалар белән туган көн сөенечен уртаклашты Һәм аларга күп итеп шарлар, һәммәсенә китаплар өләште.

Оча яфрак, уйный яфрак

Һаваларда әйләнеп.