Балалар  математика эшчәнлегендә  хайваннарга теремкәйне төзергә булыштылар.Эшчәнлек аша  балаларның логик фикер йөртү,  игътибарлылыкларын , тапкырлыкларын, сөйләм телен, күзаллау сәләтләрен үстерү, мөстәкыйльлек үстерү өйрәтүе дәвам ителде.

Балалар белән рәсем эшчәнлегендә китап кыстыргычы ясадык һәм китапның кайдан килүе, аны ертмаска, саклап тотарга кирәклеген; китапханәче хезмәте турында  балаларның белемнәрен киңәйтү; китап  карау, укуга, белемгә омтылыш тәрбияләү өстендә эш алып барылды.

Балаларда әниләргә карата игътибарлылык, мәрхәмәтлелек тәрбияләү, балаларда зәвык, иҗади сәләт үстерүне күздә тотып балалар үзләренең нәни куллары белән яраткан әниләренә бүләк әзерләделәр. Алар түземсезлек белән бәйрәмне көтеп калалар.

Бүген җил дә йомшак исә,

Кояш та назлы көлә.

Тиздән җиргә иң-иң якты,

Матур бер бәйрәм килә.

Әдилә бүләк иткән туплар белән рәхәтләнеп уйнап, ял итәбез.

Бүген Әдиләнең туган көне. Аңа 4 яшь тулды.            

               Әдилә!

Котлы булсын туган көнең.

Юлларыңа гөлләр сибелсен.

Ноябрь аеның саф җилләре.

Бәхет-шатлык алып килсен.

Балалар белән салкын, җылы як җәнлекләрен өйрәнә башладык. Һәм балаларны “салкын” һәм “җылы” төсләр белән таныштыру, Төньяк һәм Көньяк полюс турында кыскача мәгълүмат бирү.Пингвиннарның кайда яшәүләре белән таныштыру максатыннан  рәсем эшчәнлегендә Пингвин баласына дуслар ясадык.

Балаларны уенчыкларның төрле төрләре-богород  уенчыклары белән таныштыру. Берничә өлештән торган предметларны әвәләргә өйрәтүне дәвам итү, уч төбендә түгәрәк әвәләү ысулларын камилләштерү; бер-берсен тоташтыру күнекмәсен ныгыту.