Физзарядка, физзарядка!

Тәнгә көч тула.

армыйм да мин,

талмыйм да мин

Көн буе шуңа!

Физкультура эшчәнлеген яратып көтеп алабыз.

Рәсем вакытларында төрле алымнар кулланып рәсемнәр ясыйбыз. Бу очракта кулларны биткә төшердек һәм төрле сүрәткә керттек. 

Реҗим моментларында бик күп төрле уеннар уйныйбыз, шул-ук вакытта мөстәкыйль  рәсемнәр дә ясыйбыз.

Кисеп ябыштыру эшчәнлегендә үзебезнең фантазиябезне кулланып төрле әйберләр (токмач, җеп, мамык, вакланган кәгазь һ.б.) кулланып күңелле портретлар ясадык.

Туган ягыбызны яклар өчен кызлар һәм малайлар турникта күтәрелеп көч җыябыз.

Балалар  белән бу атнада "Туган ягым-Татарстан" проекты буенча эшлибез. Балалар рәсем эшчәнлегендә Татастанның дәүләт символларын, туган якның табигатен рәсемгә төшерделәр.

"Минем бакчам" проектын йомгаклап балалар белән "Аюга нигә күңелсез?" дигән, уен инцсенировка үткәрдек. Уен аша балалар уенчыкларга сакчыл булырга , уйнаганда бер-береңне рәнҗетмәскә, саран булмаска, тату, дус булырга төшенделәр. Шулай ук кунакка килгән аю белән уйнадылар,биеделәр.

Без бүген кунакка Шәймиева Айгөл Таһир кызын һәм аның кызы Алсуны чакырдык. Айгөл Шаймиева үзенең кызы Алсу белән якыннан таныштырды. Алсу безнең бакчабызда тәрбияләнеп чыккан кыз. Алар район күләмендә бик күп төрле җыр конкурсларында катнашып күп кенә граматоларга , бүләкләргә ия булган кешеләр.

Айгөл Таһир кызы Завод-Нырты урта мәктәбендә җыр, рәсем, география фәннәрен укыта. Айгөл Шәймиева кечкенәдән үк җыр-моңны яратуын  һәм кызы Алсу да шушы юлны сайлавын әйтә.

Балаларга очрашу вакытында үзләренең яраткан җырларында җырлап күрсәттеләр. Киләчәктә без Айгөл Шаймиевага һәм Алсуга зурдан зур уңышлар теләп истәлеккә фотога төштек.

Җәй көне урамда, юлларда бик күп йөрү сәбәпле балалар белән юл өйрү кагыйдәләрен  һәм билгеләрне искә алып торырга тырышабыз.