Кадерле әниләребез!

Иң сөйкемле сүзләр – сезнеке!

Йомшак, җылы куллар – сезнеке!

Иң-иң татлы сүзләр – сезнеке!

Җан изрәткеч җырлар – сезнеке!

Сездән башка күпне белмәс идек,

Сездән башка берни кылмас идек,

Сездән башка кеше булмас идек!

Чәчәк букетлары бүләк итсәк,

Чәчәк букетлары корыр ул.

Йөрәк җылыбызны бүләк иттек,

Югалтмассыз, мәңге торыр ул.

Ноябрь ае башлануга "Иң гүзәл чәчәк бәйләме" дип, исемләнгән конкурс игълан иттек. Конкурсның максаты әти-әниләрнең балалар белән берлектә эшләүләре, бәйрәм рухын булдыру иде. Максатыбызга ирештек, дип уйлыйбыз. Чөнки барлык әти-әнидә читтә калмаган,  үзләренең фантазияләрен кулланып төрледән-төрле тасмалар, төсле кәгазьләр, табигый материаллар  кулланып искиткеч чәчәк бәйләмнәре ясадылар. Вакытларын табып, хезмәтләрен куйганнары, бәйрәмгә тагында ямь өстәгәннәре өчен барлык әти-әниләргә, балаларга рәхмәтебезне җиткерәбез. Алга табада уңышлар теләп  "Миләшкәй" балалар бакчасы коллективы.

Әни, әнкәй… Бу якты дөньяга килгәч тә безне, йомшак куллары белән сыйпап, ак биләүгә биләүче, еласак, жыр көйләп юатучы, татлы йокыдан иркәләп уятучы, яшәргә көч - дәрт бирүче, гомер буена кайгы – шатлыкларыбызны уртаклашучы, тормышыбызнын бизәге, таянычы, акыллы уй – фикерләре белән тормыш дигән олы юлдан алып баручы ул.                                                                        

Җәмгыятебез дә әниләрнең ижтимагый әһәмиятен күтәрү максатыннан Россия Федерациясе Президентының 1998 елнын 30 гыйнварында чыккан №120 номерлы карары нигезендэ Россиядә ноябрь аеның сонгы якшәмбесе ел саен “Әниләр көне” булып билгеләп үтелә. Быел ул  29  ноябрь көненә туры килде.

Кадерле, газиз әниләребез! Сезне бәйрәмегез белән чын йөрәктән котлыйбыз. Сезгә ныклы сәламәтлек, озын гомер телибез.Балаларыгызга һәрвакыт терәк булып, гомер буе аларның йөрәк җылысын тоеп , кадер – хөрмәттә яшәргә язсын. Ана назы – җирдә ул мәңгелек, Мәңгелек җыр – бишек җырыгыз. Без узасы юлда маяк булып гомер буе балкып торыгыз.  

Ана булу – изгелекнең таҗы,

Дөньяда иң олы дәрәҗә.

Ана кеше һәрбер баласының

Бәхетенә ача тәрәзә.

Ана сиңа гел яхшылык тели,

Гаепләрең булса – кичерә,

Турылыклы калыйк гомер буе

Ана дигән күркәм кешегә.

Иң изге теләкләр белән  "Миләшкәй" балалар бакчасы коллективы.

Әкият геройларын әвәләгәндә танылган әкиятләрдәге геройларны кулланырга өйрәтү, элек белгән алымнарны искә төшереп аяк һәм кулларның хәрәкәтен бер-берсен тоташтыру күнекмәсен ныгыту.

Бүген балалар үзләренең дуслары 1 сыйныф укучылары янына кунакка керделәр. Аларны сыйныф җитәкчесе Снежана Владимировна каршы алды. Балалар 1 сыйныфта математика дәресенең барышын күзәттеләр.

Бүген мәктәпкә әзерлек һәм зурлар төркеме балалары белән мәктәпкә экскурсиягә кердек. Мәктәпкә әзерлек төркеме балалары үзләренең булачак укытучылары Фирдания Миннемуловна белән таныштылар. Фирдания Миннемуловна балаларны мәктәп тормышы бик катлаулы һәм шул-ук вакытта искиткеч кызыклы икәнен әйтте. Балаларны интерактив такта белән таныштырды, балалар үзләредә интерактив  тактага рәсемнәр ясап карадылар.

Балалар  математика эшчәнлегендә  хайваннарга теремкәйне төзергә булыштылар.Эшчәнлек аша  балаларның логик фикер йөртү,  игътибарлылыкларын , тапкырлыкларын, сөйләм телен, күзаллау сәләтләрен үстерү, мөстәкыйльлек үстерү өйрәтүе дәвам ителде.

Балалар белән рәсем эшчәнлегендә китап кыстыргычы ясадык һәм китапның кайдан килүе, аны ертмаска, саклап тотарга кирәклеген; китапханәче хезмәте турында  балаларның белемнәрен киңәйтү; китап  карау, укуга, белемгә омтылыш тәрбияләү өстендә эш алып барылды.