2014 нче елның 18 нче мартында Кремльдә Кырым һәм Севастопольне Рәсәй Федерациясе белән берләштерү турында Указга кул куелды. Әлеге тарихи дата уңаеннан, гимназиядә "Кырым турында сөйләшүләр" дип исемләнгән интеллектуаль уен үткәрелде. Укучылар төрле сорауларга җаваплар бирделәр, белемнәрен сынадылар.

Халыкара елгалар көне уңаеннан, гимназия укучылары Татарстанның су киңлекләре буйлап мавыктыргыч экологик сәяхәткә чыктылар.
Китапханәче балаларга төбәкнең табигате, елгалары, аларның үзенчәлекләре һәм географиясе турында сөйләде. Укучылар Татарстан картасы аша һәр елганың үзәне, башы һәм тамагы турында белделәр. Шулай ук республиканың иң зур елгаларын атадылар, аларның кушылдыкларын өйрәнделәр.
Чара барышында балалар табышмакларга җаваплар таптылар, төрле уеннар уйнадылар.

Видеога сылтама: https://vk.com/club216931602?z=video-216931602_456239381%2Feaf81034cfcf169611%2Fpl_wall_-216931602

Гимназия активистлары тәрбия эшләре буенча директор киңәшчесе Гөлчәчәк Әсхәтовна җитәкчелегендә 362 нче номерлы балалар бакчасында яхшылык һәм изге эшләр турында сөйләшүләр үткәрделәр. Сөйләшү барышында балалар "Подари игрушку" акциясе белән таныштылар.

Видеога сылтама: https://vk.com/club216931602?z=video-216931602_456239382%2Fac8f754cedf4a072ab%2Fpl_wall_-216931602

Һөнәри юнәлеш бирү максатыннан, 8- 10 нчы сыйныф укучылары "Вкусно- и точка" тиз туклану челтәре оешмасы вәкилләре белән очраштылар. Килгән кунаклар укучылар белән интерактив һәм резюме язу буенча мастер- класс үткәрделәр, сорауларга җаваплар бирделәр.

Гимназиядә "Россия мәктәпләрендә кинодәресләр" исемле проект актив эшләп килә. Әлеге дәресләр белем алу процессын баета, укучыларга яңа белемнәр һәм тәҗрибәләр бирә. 1- 11 нче сыйныфлар рухи кыйммәтләр турында "Честь имею", "Мост", "Дороги", "Шайба", "Ванька адмирал" фильмнары белән таныштылар.

Гимназия китапханәсендә укучылар татар язучылары белән генә түгел, шулай ук юбиляр рус шәхесләренең иҗатлары белән дә танышалар. 
Рус язучысы Пётр Павлович Ершовның тууына 210 ел булу уңаеннан, укучылар белән әдәби викторина үткәрелде. Алар Пётр Ершовның тормыш юлы һәм иҗаты белән таныштылар, "Конёк- Горбунок" әкиятен исләренә төшерделәр, викторина сорауларына җаваплар эзләделәр.

"Беренчеләр хәрәкәте" оештырган "Классные встречи" проекты кысаларында гимназиябез укучылары "Ямьле" вокал төркеме белән очраштылар. Әлеге проект балалар өчен бик кызыклы һәм төрле өлкәдә эшләүче шәхесләр белән танышу өчен уникаль мөмкинлек. Килгән кунаклар үзләренең иҗат юллары белән таныштырдылар, укучыларның сорауларына җаваплар бирделәр. Очрашу җылы һәм күтәренке рухта үтте!

Илебездә язның беренче көнендә Песиләр көне билгеләп үтелә. Шул уңайдан, гимназия китапханәсендә кызыклы очрашу оештырылды. Укучылар песиләрнең ничек эволюцияләнүе, дөнья буйлап таралуы, яңа токымнары ничек барлыкка килүе турында белделәр һәм китаплар белән таныштылар.

Кызыклы фактлар:
- Песиләр турында фән фелинология дип атала.
- Песиләр 60 кГц ешлыктагы тавышны да ишетә. Шуңа күрә тычканның тавышсыз гына хәрәкәте дә аларга ишетелеп тора.
- Песиләр йөздән артык аваз чыгара ала.
- Әгәр песи койрыгын болгый икән, димәк ул "уйлый".

Гимназиянең 9Б сыйныфы укучысы Махмутова Камилә шәһәр күләмендә үткәрелгән "Ломоносов укулары" конференциясендә II дәрәҗәдәге дипломга лаек булды.
Камиләне һәм җитәкчесе Светлана Фёдоровнаны чын күңелдән котлыйбыз, киләчәктә уңышлар теләп калабыз!

Инглиз теле фәне атналыгын йомгаклап, үткәрелгән чаралар:
- укучылар белән флешмоб бию;
- 5 нче һәм 6 нчы сыйныфлар белән 8 нче Март бәйрәме уңаеннан котлау открыткалары ясау һәм видео төшерү;
- 7 нче һәм 8 нче сыйныф укучылары арасында җыр бәйгесе оештыру.
Инглиз теле атналыгы бик кызыклы һәм мавыктыргыч үтте!

Видеога сылтама: https://vk.com/club216931602?z=video-216931602_456239378%2F8029986a6d4745dafb%2Fpl_wall_-216931602